INṬANNA 30:35 - Pathien Lekhabu Inthieng (BSI)

³⁵ Chuongchun, chu ni tak chun kêlchal a vâra inzetan le, a vâra rawl pheu pheu po po le, kêlpui a vârin a rawl le, a vârin a rawl pheu pheu po po, a vâr ṭhang taphawt chu berâm laia a dum po po le chun a ṭhuoi tum a, a naupasalhai kutah a pêk a.

INṬANNA 30:35 ပူးပေါင်းရင်းမြစ်များ

INṬANNA 30:32

Vawisûn hin i ran ruol chu va en suok vawng ka ta, berâm laia a dumin a rawl le, a dum pheu pheu le, a dum taphawt le, kêl laia a vârin a rawl le, a vârin a rawl pheu pheu chu, chutaka inthawkin ṭhuoi tum ka ta; chun, tuta hnung chu chuong anga um chu ka hlaw ni sienla.

INṬANNA 30:34

Laban chun, “A ṭha ie! i hril ang tak chun ni raw se,” a ti a.

INṬANNA 30:36

Chun, ama le Jakob inkâra ni thum lama chun ân umtir a; chun, Jakob chun Laban ran ruol dang po po chu ân thla nâwk ta a.

INṬANNA 31:9

Chuong ang chun Pathienin in pa ranhai chu a lâkpêk a, kei a mi pêk tah a ni hi.

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.