INṬANNA 30:27 - Pathien Lekhabu Inthieng (BSI)

²⁷ Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INṬANNA 30:27 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 18:3

“Pu, i mi lunginsiet thei chun lunginsiettakin in siehlaw hi mi fe khêl lul naw ro khai,

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 30:30

Ka hung hma chun tlâwmte bak i nei a, tuhin chu tamtak an hung ni ta hi; ka nghatna tieng tieng Lalpa chun mal a sâwmpêk pei che a nih: amiruokchu, iengtik âm keia sûngkaw ta dingin suksuok vêng ka ti aw?” a ti a.

INṬANNA 33:15

Chun, Esau chun, “Ka kuoma um mi ṭhenkhathai bêk hi mâksanpêk ka ti che aw,” a ti a. Ama chun, “Iengding kherin am ie? ka lalpa, i lunginsietna mîn hmutir el rawh,” a ti a.

INṬANNA 34:11

Sekem khawm chun a nunghâk pa le ṭahai kuomah, “Mi lunginsiet ro, ka kuoma in hril taphawt pêng ka ti cheu.

INṬANNA 44:5

Kha kha ka pu uoin dâwnna le ṭhumvâwrna ngei a ni naw am a nih? hieng ang in thaw hi in thaw suol a nih,’ ti rawh,” a ti a.

INṬANNA 47:25

Chun, anni chun, “Nangin kan hringna hi i sanhim ta a: pu, mi lunginsiet la, Pharao siehlaw ni el kan tih,” an ti a.

2 SAMUEL 6:11

Chun, Lalpa bâwm chu Git mi Obed-edom ina chun thla thum a um a, chuongchun, Obed-edom le a sûnghai po po chu Lalpain mal a sâwm a.

1 LALHAI 11:19

Hadad chun Pharao mit a tlung hle el a, chuongchun, a nuhmei ngei zuorpuinu, lalnu Tahpenes zuorpui chu nuhmeiah ân neitir a.

NEHEMIA 1:11

Aw Lalpa, lunginsiettakin i sie- hlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka ti a. Kei chu lal no inhlântu ka ni si a.

NEHEMIA 2:5

Chun, lal kuoma chun, “Lal remti zâwng a ni a, i siehlaw hin i mit ka lo tlung hlak a ni chun, Juda ramah a mi thlatuhai thlân umnaa chun mîn fetir la; khuo chu va siemthar nâwk ka tih,” ka ti a.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

FESUOKNA 3:21

Chun, hi Israel mihai hi Aigupta mihai mithmuah ditsakna inhmutir ka ta; chuongchun, in fe pha chun, ruok ngawtin fe naw tawp in tih:

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

DANIEL 1:9

Chun, Pathien chun Daniel chu mitillâkhai hotu mithmua lunginsietna le ditsakna hlaw thei dingin a siem a.

NAMBAR 11:11

Chun, Mosie khawm chu a lungni ta naw a, chuongchun, Lalpa kuomah, “Ieng leiin am i siehlaw hi i mi sukrinum a? Ieng leiin am i mit ka tlung naw a, hieng mipui po po phurrik hi ka chunga innghat am i ni a?

NAMBAR 11:15

Hieng anga i mi thaw ding chun mi lunginsiet la, mi sukhlum dai law law el la, mi sukrimsi ta naw khai,” a ta.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

RUTH 2:13

Chun, amain, “Pu, nangin i mi thlamuon a, i siehlaw nunghâkhai laia mi ni naw lang khawm, ngilneitaka i mi biek hi ka ta dingin lunginsiettu ropuitak i nih,” a ti a.

1 SAMUEL 16:22

Chun, Saula chun Jesai kuomah, “David hi ka kuomah um raw se, ka mit a tlung hle el,” tia hril dingin mi a tir a.