INṬANNA 30:22 - Pathien Lekhabu Inthieng (BSI)

²² Chun, Pathienin Rakil chu a hriet zing a, Pathien chun a ṭawngṭaina a ngai a, a sul a hawngpêk ta a.

INṬANNA 30:22 ပူးပေါင်းရင်းမြစ်များ

INṬANNA 25:21

Chun, a nuhmei chu a ching leiin, Isak chun Lalpa kuomah a ngênpêk a, Lalpain a hnina chu a lo ngaipêk a; chuongchun, a nuhmei Rebeka chu ân rai ta a.

INṬANNA 29:31

Chun, Lalpain Leah chu theidain a um ti a hriet a, chuongchun, a sul a hawngpêk a. Rakil ruok chu a ching a.

INṬANNA 30:2

Rakil chunga chun Jakob chu a lunginsen thut el a; chuongchun, “I rîla ra phalnawtu Pathiena i mi ngai am ka nih?” a ti a.

INṬANNA 30:21

Chu hnunga chun naunuhmei a nei a, a hmingah Dina a sak a.

INṬANNA 35:24

Rakil naupasalhai chu Josef le Benjamin an nih.

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a,

INPÂKNA HLABU 105:42

A thu inthieng kha a hriet zing si a: A siehlaw Abraham le khan.

INPÂKNA HLABU 113:9

Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; Lalpa chu inpâk ro.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.