INṬANNA 30:18 - Pathien Lekhabu Inthieng (BSI)

¹⁸ Leah chun, “Ka suoknu chu ka pasal kuoma ka pêk leiin Pathienin ka hlaw a mi pêk tah a ni hi,” a ti a: chuongchun, a hmingah Issakar a sak a.

INṬANNA 30:18 ပူးပေါင်းရင်းမြစ်များ

INṬANNA 30:17

Chun, Pathienin Leah ṭawngṭaina a ngai a; chuongchun, ân rai a, Jakob chu naupasal pangana a neipêk a.

INṬANNA 30:19

Chun, Leah chu ân rai nâwk a, Jakob chu naupasal parukna a neipêk a.

INṬANNA 35:23

Leah naupasalhai chu Reuben (Jakob nau lutîr), Simeon, Levi, Juda, Issakar le Jebulun an nih.

INṬANNA 46:13

Issakar naupasalhai chu Tola, Puva, Job le Simron.

1 CHANCHIN SUINA 12:32

Issakar mihai, Israel chun ieng am a thaw ding a na ti hre dinga thil umziehai hrethiem mihai; an hotuhai chu za hni an ni a; an unauhai po po chu an thu hnuoia chun an um a nih.

DÂN PAHNINA 33:18

Chun, Zebulunhai chungthua chun, “Lâwm rawh, Zebulun, în vâksuoknaa dâm, Chun, Issakar, i puon ina dâm,

THUPUONGSUO 7:7

Simeon hnama mi sîng khat le sâng hni, Levi hnama mi sîng khat le sâng hni, Issakar hnama mi sîng khat le sâng hni,