INṬANNA 30:14 - Pathien Lekhabu Inthieng (BSI)

¹⁴ Chun, bu lâk lai hin Reuben chun phûlah Zâwldiai a va hmu a, a nu Leah kuomah a hung chawi a. Chun, Rakil chun Leah kuomah, “Lunginsiettakin i naupa zâwldiai a ṭhen mi pe ta?” a ti a.

INṬANNA 30:14 ပူးပေါင်းရင်းမြစ်များ

INṬANNA 25:30

Esau chun Jakob kuomah, “Lunginsiettakin i iengkhat sen suong hruoi kha, kha ngei kha mîn fâktir raw khai, ka ṭâm êm el,” a ta (chuleiin, a hming chu Edom an ti a nih).

INṬANNA 30:15

Ama ruok chun, “Ka pasal i mi lâkpêk hi thil duoi am a nih? Ka naupa zawldiai khawm i mi lâkpêk nâwk pei ding maw?” a ti a. Rakil chun, “Annawleh, i naupa zâwldiai aiah vawizân zâlpui a ti che,” a ti a.

INṬANNA 30:16

Chun, zântieng chun Jakob chu phûla inthawk chun a hung a, Leah chu a tuok dingin a va suok a, “I mi pâwl ding a nih, ka naupa zawldiaiin ka haw tlat ta che a nih,” a ti a. Chuongchun, chu zân chun a zâlpui ta a.

HLAHAI HLA 7:13

Zâwldiai chun a riminhnik a suksuok a, Chun, ei kawtkhâr bula chun theira hlutaktakhai chi tinrêng, A hlui le a thar a um ṭeu a, Chuong chu i ta dinga ka siekhâwl a nih, aw ka hmangaitak.

EZEKIEL 48:25

Simeon ramria, saktieng panga inthawka thlangtieng pang chenah, Issakar, chan khat.