INṬANNA 30:1 - Pathien Lekhabu Inthieng (BSI)

¹ Rakil chun Jakob chu nau hrim a neipêk nawh ti ân hriet chun, a unu chu a îtthîk ta a, Jakob kuoma chun, “Nauhai mi pe rawh, chuong naw chun ka thi el ding a nih,” a ti a.

INṬANNA 30:1 ပူးပေါင်းရင်းမြစ်များ

INṬANNA 29:31

Chun, Lalpain Leah chu theidain a um ti a hriet a, chuongchun, a sul a hawngpêk a. Rakil ruok chu a ching a.

INṬANNA 37:11

Chun, a uhai chun ama chu an îtthîk a, a pa ruok chun a thuhril chu lungrilin a vawn zing a.

1 LALHAI 19:4

Ama ruok chu thlalêrah ni khat lama hlaah a fe a, Juniper thing hnuoia hin a ṭhung a, thi a hni ta a, “A hun tah ie, aw Lalpa, tuhin ka hringna hi la el ta, ka puhai nêkin ka ṭha chuong bîk si naw a,” a ta.

JOB LEKHABU (THE BOOK OF JOB) 13:19

Tuin am mi sêl a ta? Tuhin to ṭawk ka ta, ka thlarau kân thla ding a ni si a.

JOB LEKHABU (THE BOOK OF JOB) 3:11

Sula chun iengdinga ka lo thi naw am a na? Phîng sûnga inthawka ka hung suokin iengdinga thlarau chu lo inthla el naw am ka na?

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak si a.

INPÂKNA HLABU 106:16

An riebûka chun Mosie chu an îtthîk a, Lalpa mi inthieng, Aron leh.

THUVARHAI 14:30

Lungril hrisêl chu taksa hringna a na, Itthîkna ruok hi chu ruhai ta dinga hmawnna a nih.

THUVARHAI 30:16

Thlân le, sul ching chu: Hnuoi, tuia tlai zo ngai lo, Chun, mei “A huntâwk,” ti ngai der lo chu.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

NAMBAR 11:15

Hieng anga i mi thaw ding chun mi lunginsiet la, mi sukhlum dai law law el la, mi sukrimsi ta naw khai,” a ta.

NAMBAR 11:29

Mosie chun a kuomah, “Keia leia ngaimaw am i nih? Lalpa mihai po po chu zâwlnei ni vawng hai sienla. Lalpain an chungah a thlarau chu sie seng sienla ti nâklaiah,” a ta.

JOHAN 4:3

Judai ram chu a fe san a, Galili ramah a fe ta a.

JOHAN 4:8

(A închûktirhai hlak chu fâk ding inchaw dingin khuoah an fe ta si a.)

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

GALATI 5:21

thîkthusietna dâm, zu inruina dâm, zu hmun hlimna dâm, chuong anghai chu, chuong kawnga chun kha hmaa, “Chuong ang thil thawtuhai chun Pathien ram hluo naw ni hai,” tia ka hril lâwk cheu ang khan, ka hril nâwk cheu hi.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

JAKOB 3:14

Nisienlakhawm, in lungrilah îtthîkna khatak le mâni hmasielna in nei chun, thudik chu uong khum le kalin khêl hril naw ro.

JAKOB 4:5

Annawleh, “Thlarau einia ân chêngtir chun, thîk khawp hielin a mi dit a nih,” ti hi, Pathien Lekha Thuin iengkhawm ni lovin a hrilin in ring am a nih?

1 SAMUEL 1:10

Chun, Hanna chu a lungril a lunginzîng êm êm el a, Lalpa kuomah a ṭawngṭai a, lungsetakin a ṭap a.