INṬANNA 3:6 - Pathien Lekhabu Inthieng (BSI)

⁶ Chuongchun, nuhmei chun thing ra chu fâk dinga ṭha a nih ti le, mit latak a nih ti le, mi sukvar dingin thing ra inhnarumtak a nih ti a hriet chun a ra chu a lo a, a fâk ta a; a kâwla um a pasal kuoma khawm chun ṭhen khat a pêk a, ama khawm chun a fâk ta a.

INṬANNA 3:6 ပူးပေါင်းရင်းမြစ်များ

INṬANNA 3:12

Mihriem chun, “A mi umpui dinga nuhmei i mi pêk ngei khan thing ra chu a mi pêk a, ka fâk ta a nih,” a ta.

INṬANNA 3:17

Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tia thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;

INṬANNA 39:7

Chuong hnunga chun hieng hi a ni a, a pu nuhmei chun Josef chu dit enin a en a, “Mi zâlpui rawh,” a ti a.

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

2 SAMUEL 11:2

Chun, zântieng nisa innêma chun hieng hi a hung na, David chu a khuma inthawk chun a tho a, lal in inchunga chun a hang lêng a; chun, inchunga inthawk chun nuhmei pakhat insil lai hi a hei hmu a, chu nuhmei chu hmêl ṭhatak a nih.

1 LALHAI 13:19

Chuongchun, a kuoma chun a kîr ve nâwk a, a ina chun bei dâm a fâkin tui dâm a dâwn ta a.

JOB LEKHABU (THE BOOK OF JOB) 31:1

“Ka mit leh thuthlung ka siem a, Iengtin am nunghâk chu en tâng ka ta?

EZEKIEL 24:16

“Mihriem naupa, ngai ta, thâwkkhatin i mithai châkna chu nangmaa inthawkin ka lâk hmang ding a nih; ṭap naw ti ni a, sûn bawk naw ti ni, i mitthlihai khawm luong thla bawk naw ni.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 24:25

“Chun, nang mihriem naupa, an kul det, an ropuina hlimna, an mithai châkna le, an lungril an sienahai, an naupasalhai le an naunuhmeihai ka lâk pha chun,

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

MATTHAI 5:28

Kei ruok chun, tukhawm nuhmei dit ena en taphawt chun, a lungrilah a uire zing a nih ti ka hril cheu hi.

1 TIMOTHE 2:14

Chun, Adam chu hlêmin a um naw a, nuhmei ruok chu hlêmin a um a, bawsietnaah a tlu ta a.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.

1 JOHAN 2:16

Khawvêla thil um po po, tisa châkna dâm, mit châkna dâm, dam sûng ropuina tehlêm dâm hi Paa inthawka suok a ni naw a, khawvêla suok a ni lem si a.

RORELTUHAI 14:17

Chun, a ruoiṭhe, ni sari sûng po chu a hmaah a ṭap a ṭap el a, chun a ni sari ni chun a ngên tlut tlut el leiin a hril ta khawng khawng a; chun, ama chun thukhir chu a chihai chu a hril ve ta a.