INṬANNA 3:20 - Pathien Lekhabu Inthieng (BSI)

²⁰ Chun, mihriem chun a nuhmei chu mi hring po po nu a ni leiin a hmingah Evi ân bûk a.

INṬANNA 3:20 ပူးပေါင်းရင်းမြစ်များ

INṬANNA 16:11

Lalpa vântirko bawk chun a kuomah, “Ngai ta, nau i vawn ta a, naupasal nei i ta, Lalpa chun i rimsikzie hi a hriet ta leiin a hminga chun Ismael i sak ding a nih.

INṬANNA 2:20

Chuongchun, mihriem chun ran po po dâm, chunglêng vate dâm, ramsa tinrêng dâm hming chu a sak seng a; nisienlakhawm, mihriem ta ding chun a ṭhangpuitu ding a kawppui âwm mi a um naw a.

INṬANNA 2:23

Chun, mihriem chun, “Hi zet hi chu ka ru ang ru neia, ka tisa ang tisa nei ngei chu a nih; Pasala inthawka lâk suok a ni leiin, ‘Nuhmei’ ti ding nîng a tih,” a ta.

INṬANNA 3:21

Chun, Lalpa Pathien chun, Adam ta ding le a nuhmei ta ding chun savun zakawfuolhai a siempêk a, ân hâktir ta a.

INṬANNA 35:18

Chun, a thlarau a suok ding lai chun (a thi ta si a) a hminga chun Ben-oni a sak a; a pa ruok chun Benjamin a sak a.

INṬANNA 5:29

“Ama ngei hin Lalpa ṭawngse inphur hnuoi leia ei sinthawna le kuta ei sininrimnaa hin mi thlamuon tâng a tih,” tiin a hmingah Noa a sak a.

FESUOKNA 2:10

Chun, nuhmei chun naute chu a lâk a, a dawn ta a. Naute chu a hung inṭhang lien a, Pharao naunu kuomah a hung ṭhuoi a, a naupa a hung ni ta a. Chun, “Tuia inthawka ka lâk suok a ni a” tiin a hmingah Mosie a sak a.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

1 TIMOTHE 2:13

Adam chu siem hmasak a na, chu hnunga chun Evi chu siem a ni si a.

1 SAMUEL 1:20

Chuongchun, Hanna chun nau a vawn a; a hun a hung tlung chun naupasal a nei a, “Lalpa ka ihni a nih,” tiin a hminga chun Samuel a sak a.