INṬANNA 3:19 - Pathien Lekhabu Inthieng (BSI)

¹⁹ hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

INṬANNA 3:19 ပူးပေါင်းရင်းမြစ်များ

INṬANNA 18:27

Abraham chun, “Ngai ta, kei pilvut le meivâm el hin Lalpa chu ka biek pawp sa ta che chu:

INṬANNA 2:7

Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

INṬANNA 23:4

“Nangni lai mikhuol le inpêm el ka ni a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a ti a.

INṬANNA 3:18

hling le buorhai khawm insuopêk a ti che; chun, hnuoia thlai chu fa tâng i ta;

INṬANNA 5:5

Chuongchun, Adam dam sûng po chu kum za kuo le sâwmthum a nih; chun, a thi ta a.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; Lalpa chun a pêk a, Lalpa chun a lâk hmang nâwk tah a ni chu; Lalpa hming chu inpâkin um raw se,” a ta.

JOB LEKHABU (THE BOOK OF JOB) 10:9

Hi hi hre zing rawh, ka ngên che hi, nang chun pilpawk angin i mi lo siembâwl ta a, Pilvuta bawk i mi ṭhuoi nâwk el ding a ni maw?

JOB LEKHABU (THE BOOK OF JOB) 19:26

Chuong anga ka vun chena sukbohmang a ni hnung khawm chun, Ka taksa ngei chun Pathien chu la hmûng ka tih.

JOB LEKHABU (THE BOOK OF JOB) 21:26

Pilvuta chun angkhat charin an zâl vê ve a, Anni chu ngehai chun ân khum a nih.

JOB LEKHABU (THE BOOK OF JOB) 34:15

Tisa po po chu bohmang vawng an ta, Mihriem chu pilvuta bawk kîr nâwk el a tih.

JOB LEKHABU (THE BOOK OF JOB) 4:19

Pil inhaia umhai lem lem chu; a va ring naw zuol âwm ngei, A lungphûm chu pilvuta innghat a ni a, Hângthim hmaa suksiet ni el hlakhai chu.

INPÂKNA HLABU 103:14

Ei taksa siem dân hi a hriet a, Pilvut el ei nih ti a hriet zing leiin.

INPÂKNA HLABU 104:23

Mihriem chu sinthaw dingin a suok a, Zântieng chenin inrimtakin a thaw hlak.

INPÂKNA HLABU 104:29

I hmai i thup a, an lunginzîng hlak a, An thuok chu i lâkpêk a, an thi a, An pilvuta chun an kîr nâwk hlak.

INPÂKNA HLABU 127:2

Zîngkâr in tho va, inhnutakin in châwl a, Sininrimna bu in fâk hlak hi, in ta dingin a thlâwn el a nih. Hieng ang hin a mi dittak chu a ininnghiltir hlak a nih.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

INPÂKNA HLABU 22:29

Hnuoia mi neinunghai po po chun fain chibai bûk an ta, Pilvuta kîr nâwk dinghai po po khawm chu a hmaah la kûn an tih: Mâni hringna sukhring zing thei lo chu.

INPÂKNA HLABU 90:3

Nang chun mihriem hi bohmangnaa în fetir hlak a, “Mihriem nauhai, kîr nâwk ro,” i ti hlak.

THUVARHAI 21:16

Mi hrietthiemna lampuia inthawka invâkhmang chu Mithihai inkhâwmnaa chun châwl a tih.

THUHRILTU 1:13

Vânkhuphnuoia thil thawa um ta po po chungthu chu varnaa zawnga zawng suok dingin ka lungril ka lo hmang ta a; Pathienin mihriem nauhai buoipui dinga a pêk chu sin rinumtak a nih.

THUHRILTU 1:3

Miin a sininrimna, nisa hnuoia a sininrimna po poa chun ieng am hlâwkna a hmu a?

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

THUHRILTU 3:20

An rêngin hmun pakhatah an fe a; an rêngin pilvuta inthawk an na, an rêngin pilvut an inchang nâwk a.

THUHRILTU 5:15

A nu phîng sûnga inthawka a hung suok ang khan, a ruok bawkin fê nawk a ta, a sininrimna man, a kuta a chawi thei khawm chu iengkhawm fêpui naw nih.

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 THESSALONIKA 2:9

Unauhai, kan thaw sâwlzie le kan sin inrimzie kha in hriet zing deh! nangni laia tûkhawm kan sukkhâwk nawna ding cheuin a sûn a zâna sin thawin, Pathien Chanchin Ṭha kan hril hlak cheu kha.

2 THESSALONIKA 3:10

In kuoma kan um lai khawm khan hi thu hi kan pêk cheu kha, “Tukhawmin sin a thaw nuom naw chun, fâk khawm fa naw raw se,” ti hi.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;