INṬANNA 3:16 - Pathien Lekhabu Inthieng (BSI)

¹⁶ Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisienlakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.

INṬANNA 3:16 ပူးပေါင်းရင်းမြစ်များ

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chun kawtkhâr bulah ân chân zing che a nih; a dit zâwng chu nangma thuhne che a ni a, nisienlakhawm, nangin i thuhne lem ding a nih,” a ti a.

1 CHANCHIN SUINA 4:9

Chun, Jabez chu a unauhai nêkin inza a kai lem a, a nu chun, “Lungngaina puma ka nei a na,” tiin a hminga chun Jabez ân bûk a nih.

ESTHER 1:20

Chuongchun, lalin thupêk a siem ding chu a lalram po poa sukdar a ni pha chun ( a lien âwm si a) nuhmeihai po po chun, an pasal, mi lien le mi chînhai kuoma khawm chun inzâna an nei ta ding a nih,” tiin.

INPÂKNA HLABU 48:6

Chutaka chun inthinnain a man a, Nuhmei nau invawi natna angin a man bawk a.

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain a mi man ta a; naa hre thei lo khawp hielin na ka tuor a; khaw hmu thei lo khawp hielin ka lunginzîng a.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 22:23

Aw Lebanon hluotu, sidar thinghaia bu septu, nuhmei nauhase nat anga natna, i chunga tuornahai a hung tlung pha chun lungsiet i va um âwm de!

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 49:24

Damaska chu a hung hrât naw a, tlân hmang dingin ân her a; inthinnain ama chu a man a; thuokdawngna le lungngaium chun ama a chel tlat ta a; nuhmei nauhase nat tuor ang elin.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

NAMBAR 30:13

Thutiem po po le hringna sukrinum dinga khuokhirna inkhâmna po po chu a pasalin a sukhmangin a sukbo thei.

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

1 KORINTH 11:3

Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

1 KORINTH 14:34

kohran inkhâwmnahaia chun nuhmeihai chu to zingin um raw hai se; anni chu an thu hril phal a ni si naw a; Dân Lekhabuin a hril ang bawk khan thu zâwmin um lem raw hai se.

1 KORINTH 7:4

Nuhmei chun ama taksa chungah thu a nei naw a, a pasal chun thu a nei lem a nih; chuong ang bawkin pasal khawm chun mâni taksa chungah thu a nei naw a, a nuhmei chun thu a nei lem a nih.

KOLOSSA 3:18

Nuhmeihai, Lalpaa a âwmtâwk ang peiin, in pasalhai kuomah intuklût ro.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

1 TIMOTHE 2:13

Adam chu siem hmasak a na, chu hnunga chun Evi chu siem a ni si a.

1 TIMOTHE 2:15

Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.

TITA 2:5

lungril feltaka um ding dâm, inthiengtaka um ding dâm, mâni in sin thaw ding dâm, ngilneia um ding dâm le, mâni pasalhai thu thua um dinga ân thunun theina dingin infui rawh; Pathien thu chu hrilsieta a um nawna dingin.