INṬANNA 3:14 - Pathien Lekhabu Inthieng (BSI)

¹⁴ Lalpa Pathien chun rûl kuoma chun, “Hieng ang hi i thaw leiin ran po po le ramsa tinrêng laia chun ṭawngsephurin um bîk i ta, bawkkhupin lâwn tâng i ta, i dam sûngin pilvut fa bawk i tih;

INṬANNA 3:14 ပူးပေါင်းရင်းမြစ်များ

INṬANNA 3:1

Chun, Lalpa Pathienin ramsa a siem danghai po po nêkin rûl a var vervêk tak a. Ama chun nuhmei kuoma chun, “Pathienin ‘Huona thei ra hrim hrim hi in fâk ding a ni nawh,’ a ti am a nih?” a ta.

INṬANNA 4:11

Hnuoi, i kuta inthawka i sang thisen dawng dinga a bâu lo katua inthawkin ṭawngsephur i ni tah,

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

INPÂKNA HLABU 72:9

Thlalêra umhai chu a hmaah kûn an ta, Ama dotuhai chun pilvut liek an tih.

ISAI 29:4

Chuongchun, sukthlûkin um i ta, hnuoi hnuoia inthawkin thu hril i ta; i ṭawng chu pilvut lai chun damtein inri suok a tih: i râwl chu khawhri aisânthiem râwl ri ang chauin hnuoi hnuoia inthawk chun hung suok a tih; i ṭawng chu pilvut laia inthawk chun hung suok sal sal a tih.

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, Lalpain a tih.

LEVI DÂN 20:25

Chuleiin, sa thieng le thieng naw, vate thieng le thiengnaw in thlier hran ding a nih; sa amanih, vate amanih, hnuoia bawkinvâk chi hrim hrim amani chu in ta dingin inthieng lova ka ithlier hran tahai chun, in hringnahai in suktirdakum ding a ni nawh.

MIKA 7:17

Rûl angin pilvut liek an ta; hnuoia bawkinvâka fehai angin an umna kuoa inthawk chu inthin pumin hung an ta; Lalpa ei Pathien kuoma chun ṭi pumin hung an tih; nangma leiin an ṭi ding a nih.