INṬANNA 3:1 - Pathien Lekhabu Inthieng (BSI)

¹ Chun, Lalpa Pathienin ramsa a siem danghai po po nêkin rûl a var vervêk tak a. Ama chun nuhmei kuoma chun, “Pathienin ‘Huona thei ra hrim hrim hi in fâk ding a ni nawh,’ a ti am a nih?” a ta.

INṬANNA 3:1 ပူးပေါင်းရင်းမြစ်များ

THUHRILTU 4:10

An tlu chun, a pakhat chun a ruolpa chu a keitho ding a ni si a; makhâta um ruok chu a chung a rik, a tlûk lai khawma ama keithotu ding khawm nei lo chu.

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

MATTHAI 4:6

Chun, a kuomah, “Pathien Naupa i ni chun tla thla rawh; ‘I chungchânga chu a vântirkohai chu thu pêng a ta, An kutin dawm an ti che a, Chuong naw chun I kein lung sui hlau rawi i tih,’ ti ziek a ni si a,” a ta.

MATTHAI 4:9

A kuomah, “Bawkkhupin chibai i mi bûk chun, hieng po po hi pe vawng ka ti che,” a ta.

2 KORINTH 11:14

Chu chu a mak nawh, Setan meu khawm var tirkoah ân siem fâwm hlak si a.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawimawi pumin in nuhmeihai kuomah um ro, in ṭawngṭainahai hluoa a um nâwna dingin.

THUPUONGSUO 12:15

Chun, rûlpui chun tuiin a lên hmang theina dingin nuhmei hnunga chun vadung ang elin a baua tui a pik suok a.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 20:2

dragon, rûlpui tar chu (chu chu Diebol le Setan a nih) a man a, kum sâng khata dingin a khuop a,