INṬANNA 29:6 - Pathien Lekhabu Inthieng (BSI)

⁶ Ama chun an kuomah, “A dam lai a ni?” a ti a. Anni chun, “A dam lai a ni ie, en ta, a naunu Rakil khawm berâm ṭhuoiin a hung saw,” an ti a.

INṬANNA 29:6 ပူးပေါင်းရင်းမြစ်များ

INṬANNA 29:7

Ama chun, “Ngai ta u, nisa khawm a lân sâng hle a, ran ṭhuoi khâwm khawm a la hun naw a: berâmhai hi tui indâwntir unla vân thla ro khai,” a ti a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk raw aw,” a ti a. Chuongchun, Hebron ruoma inthawk chun a tir suok a; ama chun Sekem chu a va tlung ta a.

INṬANNA 43:27

Ama chun an chanchin ân dawn a, “In pa a chanchin in hril tarpa kha a dam lai am a nih, damin a la um de maw?” a ti a.

2 SAMUEL 20:9

Chun, Joab chun Amasa kuoma chun, “Unaupa, i ṭha pei de maw?” a ta. Chun, Joab chun Amasa chu fâwp tumin a khâkhmul chu a kut changtiengin a chel a.

FESUOKNA 18:7

Mosie chu a tarpupa tuok ding chun a fe suok a, inza taka chibai bûkin ama a fâwp ta a; chun, an chanchin an indawntuo an indawntuo a, puon ina chun an lût ta a.

FESUOKNA 2:16

Midian mihai thiempu chun naunuhmei pasari a nei a; anni chu an hung a, tui an chawi a, an pa berâm ruol chu tui pe dingin tuibêlhai chu an thâl sip a.

1 SAMUEL 17:22

Chun, David chun a thuomhnaw chu thuomhnaw enkawltu kuoma chun a sie a, indona hmun tieng chun a va tlân a; a uhai chu chibai a va bûk a.

1 SAMUEL 25:5

Chuongchun, Davidin tlangvâl sâwm a tir a, tlangvâlhai kuoma chun, Davidin, “Karmel tlânga chun hang fe unla, Nabal kuoma chun hang fe unla, keia hmingin chibai hang bûk ro;