INṬANNA 28:3 - Pathien Lekhabu Inthieng (BSI)

³ Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 28:3 ပူးပေါင်းရင်းမြစ်များ

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 17:20

Ismael chungthu khawm hi ka ngaipêk che a nih: ngai ta, ama chu mal ka sâwm ta a, chi tamtak inthlatir ka ta, nasatakin sukpung bawk ka tih; ama chun lal sâwmpahni thlâng a ta, ama chu chi ropuitakah la siem ka tih.

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 27:33

Chuongchun, Isak chu nasatakin ân thin a, “Sakhi kâp a, ka kuoma a sa hung la a, i hung tlung hmaa ka ifâk zo ta a, mal ka isâwm ta kha tu am a ni a? Anih, ama chu malsâwmin um tho tho tâng a tih,” a ti a.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 41:52

Chun, a nau pahnina hminga chun Ephraim a sak a, “Pathienin ka rinum tuorna rama hin chi a mîn thlatir ta si a,” a ta.

INṬANNA 43:14

in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nauhai chu chân a ni leh ka chân ding ni el a tih,” a ta.

INṬANNA 48:3

Chun, Jakobin Josef kuomah, “Pathien Iengkimthawthei chu Kanaan rama Luz-ah ka kuomah ân lâr a, mal a mi sâwm a, ka kuomah,

INṬANNA 48:4

‘Chi tamtak inthlatir ka ti che a, sukpung bawk ka ti che a, chi tum tum um khâwmah siem ka ti che; chun, hi ram hi i hnunga i thlahai kuoma chun kumkhaw ro dingin pêng ka tih,’ a mi ti a.

INṬANNA 49:25

I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.

INṬANNA 9:1

Chun, Pathienin Noa le a naupasalhai chu mal a sâwm a, an kuomah, “Chi tamtak inthlain hung pung unla, hnuoi hi hluo sip ro.

INPÂKNA HLABU 127:1

Lalpain in a bâwl naw chun, A bâwltuhai chu an inrim thlâwn el a nih: Lalpain khawpui a vawngṭha naw chun, A vêngtu chu a meng thlâwn el a nih.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming Lalpa ang hin an kuomah inhriettir ka ni ngai nawh.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

THUPUONGSUO 21:22

Chun, a sûnga chun biekin hrim ka hmu naw a; Lalpa Pathien Iengkimthawthei le Berâmte chu an biekin an ni si a.

RUTH 2:4

Chun, ngai ta, Bethlehema inthawkin Boaz chu a hung a, busîktuhai kuoma chun, “In kuomah Lalpa um raw se,” a ti a. Anni chun, “Lalpain malsâwm raw se che,” tiin an dawn a.