INṬANNA 28:16 - Pathien Lekhabu Inthieng (BSI)

¹⁶ Chun, Jakob chu a in a hung har a, “Hi hmuna hin Lalpa chu a um ngei el, ka lo hriet si nawh,” a ti a.

INṬANNA 28:16 ပူးပေါင်းရင်းမြစ်များ

1 LALHAI 3:15

Chun, Solomon chu a hang har a, ngai ta, mang a lo ni zing el a; chun, Jerusalemah a fe a, Lalpa thuthlung bâwm hmaah a ngîr a, pumrawhmang thilinhlân le inremna thilinhlân ân hlân a; a siehlaw po pohai ta dingin ruoi a ṭhe a.

JOB LEKHABU (THE BOOK OF JOB) 33:14

Pathien chun vawi khat thu a hril a, Anih, vawi hni khawm, miin ngaisak naw hai sien khawm.

JOB LEKHABU (THE BOOK OF JOB) 9:11

En ta, ka kâwla chun a fe a, ama chu ka hmu naw a, A fe pei a, ama chu ka hriet si nawh.

INPÂKNA HLABU 139:7

I thlarau kuoma inthawk hi khâwlai am fêng ka ta? I hmaa inthawk hi khâwlai am tlân hmang ka ta?

INPÂKNA HLABU 68:35

Aw Pathien, i hmun inthienghaia inthawk chun ṭi i um a; Israelhai Pathien, ama ngei chun a mihai kuomah hrâtna le thilthawtheina a pêk hlak. Pathien chu inpâkin um raw se.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 3:4

Lalpa chun chu en dinga a va hnai a hmu chun, chîmbuk laia inthawk chun Pathienin ama chu, “Mosie, Mosie,” tiin a hung ko a.

FESUOKNA 3:5

Ama chun, “Hitaka hi ka um,” a ti a. Pathien chun a kuomah, “Hi tieng hi hung hnai naw rawh: i kephaa inthawkin i kekawkhai kha hlîp rawh; i ngîrna hmun kha hnuoi inthieng a ni si a,” a ti a.

ISAI 8:13

Sipaihai Lalpa, ama ngei chu in sukthieng ding a nih, ama chu in iṭi chu ni sienla, ama chu in iṭi chu ni raw se.

JEREMIA 31:26

Hi lei hin ka tho a, ka en a, ka imu chu inhnik ka ti êm êm a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.

JOSUA 5:15

Chun Lalpa sipaihai hotu chun Josua kuomah, “I kephaa inthawkin i kekawk kha hlîp rawh, i ngîrna hmun kha ân thieng a nih,” a ta. Chuongchun, Josua chun chuong ang chun a thaw ta a.