INṬANNA 28:13 - Pathien Lekhabu Inthieng (BSI)

¹³ A tâwpa chun Lalpa a ngîr a, “Kei hi Lalpa i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

INṬANNA 28:13 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 13:17

Tho la, ram hi a dung a khangin fang suok rawh; i kuomah ka pêk ding che a nih,” a ti a.

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 28:4

Mikhuol i nina ram, Pathienin Abraham kuoma a pêk hi i hluo theina dingin Abraham malsâwmna chu indawngtir bawk raw se che, nang le i thlahai khawm,” a ti a.

INṬANNA 31:13

Kei hi lungphuna sahriek i nâlna, a kuoma thu i tiemna, kha Bethel Pathien kha ka nih; tuhin tho la, hi rama inthawk hin suok la, i piengna rama chun fe nâwk ta rawh,’ a ti a,” a ta.

INṬANNA 31:42

Ka pa Pathien, Abraham Pathien, Isak Iṭi chu ka kuomah um naw sienla lem chu, tu khawm hin ruok ngawta mîn fetir ngei ding i ni hi. Pathienin ka rinum tuor le ka rimsikzie chu a hmu a, zâni zân chun a kâwk che a ni chu,” a ti a.

INṬANNA 31:5

an kuomah, “In pa hmêl ka enin hi hma ang khan ka chungah a ṭha ta nawh ti ka hmu a; nisienlakhawm, ka pa Pathien chu ka kuomah a um zing a nih.

INṬANNA 31:53

Abraham Pathien, Nahor Pathien, an pa Pathien chun ei kâra thu ngaituo raw se,” a ti nâwk a. Chun Jakob chun a pa Isak Iṭi chu sâlin ṭawng ân khâm ta a:

INṬANNA 32:10

i siehlaw chunga lunginsietna po po în langtir le thutak po po în langtir laia a chîntak khawm hi hmu tlâk ka ni nawh; hi Jordan hi ka hmawl le bak ka kân a; tuhin chu pâwl hni zet ka lo ni ta hi.

INṬANNA 32:9

Chun, Jakob bawk chun, “Aw ka pu Abraham Pathien, ka pa Isak Pathien, aw Lalpa, ‘I ram tieng le i laibunghai lai fe nâwk ta rawh, chuongchun, siem ṭhâng ka ti che’ mi titu,

INṬANNA 35:1

Chun, Pathienin Jakob kuoma chun, “Tho la, Bethelah hang fe la, chutaka chun um rawh: i u Esaua inthawka i tlân hmang laia i kuoma inlâr Pathien ta ding khan chutaka chun maichâm siem rawh,” a ti a.

INṬANNA 35:12

Abraham le Isak kuoma ram ka pêkhai hi i kuomah pêng ka ti che, i um naw hnunga i thlahai kuoma khawm ram hi pe pei ka tih,” a ti a.

INṬANNA 35:15

Chun, Jakob chun Pathienin ama a biekna hmun hminga chun Bethel ân bûk a.

INṬANNA 35:17

Chun, nataka ân vawi lai chun nau dawm mi chun, “Ṭi naw rawh, naupasal dang i nei ding a ni hi,” a ti a.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 48:3

Chun, Jakobin Josef kuomah, “Pathien Iengkimthawthei chu Kanaan rama Luz-ah ka kuomah ân lâr a, mal a mi sâwm a, ka kuomah,

1 CHANCHIN SUINA 16:16

Abraham kuoma a thuthlung le, Isak kuoma a inkhâmna chu.

1 CHANCHIN SUINA 16:18

“Kanaan ram hi i kuomah pêng ka ti che, I rochanpuol ding chu,” tiin.

INPÂKNA HLABU 105:11

“Kanaan ram hi i kuomah pêng ka ti che, I rochan puol ding chu,” tiin;

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

FESUOKNA 4:5

“Lalpa, an thlatuhai Pathien, Abraham Pathien, Isak Pathien le Jakob Pathien i kuomah a hung inlâr ti an hriet theina dingin,” a ti a.

FESUOKNA 6:4

Khuolchâm anga an umna ram, Kanaan ram chu anni pe dingin an kuomah thuthlung ka siem bawk a.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

EZEKIEL 28:25

“Lalpa Pathien chun hieng ang hin a tih; Israel sûngkuohai chu sukdara an umna hnamhai laia inthawka ka lâk khâwm a, hnamhai mithmu ngeia annia sukthienga ka um pha chun, ka siehlaw Jakob kuoma ka lo pêk tah, anni rama ngei khan chêng tâng an tih.

AMOS 7:7

Hieng ang hin a mîn entir a, chun, en ta u, Lalpa chu enremnaa siem bang kâwlah a ngîr a, a kuta chun enremna chu a chawi a.

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni naw a, mi hring Pathien a ni lem,” a ta.

THILTHAWHAI 7:5

Chun, hitaka hin chu iengkhawm hmun hluo ding, a ke innghatna khawp khawm a pêk naw a; nisienlakhawm, ama le a hnunga a thlahai chena ro dingin pêk a tiem a, nau a la nei hma ngei khawmin.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 34:4

Chun, Lalpain a kuomah, “Hi ram hi a nih, Abraham hai, Isak hai, Jakob hai kuoma, ‘In thlahai la pêng ka tih,’ tia inkhâma ka lo tiem kha; a hmu chu kân hmutir phawt che a na; nisienlakhawm, chutaka chun fe naw ti ni,” a ta.

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni naw a, hieng hnamhai suol lei le Lalpa in pu Abraham hai, Isak hai, Jakob hai kuoma ân khâmna thu suknghet dingin Lalpa in Pathienin anni chu a hnawt suokpêk ding cheu a ni lem.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.