INṬANNA 27:41 - Pathien Lekhabu Inthieng (BSI)

⁴¹ Chun, a pain mal a sâwmna lei chun Esau chun Jakob chu a theida ta a. Esau chun a lungrilin, “Ka pa sûn ni ding chu a hnai ta a, chu pha chun ka sang Jakob chu that el ka tih,” a ti a.

INṬANNA 27:41 ပူးပေါင်းရင်းမြစ်များ

INṬANNA 27:42

A naupa upa lem Esau thu hril chu Rebeka an hril a; chuongchun, mi a tir a, a naupa naupang lem Jakob chu a ko a, a kuomah, “Ngai ta, i u Esau chun i chungthuah nang sukhlum tum chein ân hnêm a nih.

INṬANNA 32:11

Lunginsiettakin ka u kuta inthawk, Esau kuta inthawk ngei chu mi sanhim rawh, nunau puma a mi hung that ka ṭi si a.

INṬANNA 32:3

Chun, Jakob chun Seir rama Edom phûl tienga a u Esau kuoma chun a hmaah palaihai ân tlântir a.

INṬANNA 32:6

Chun, palaihai chu Jakob kuomah an hung kîr nâwk a, “I u Esau kuom kan va tlung a, mi za li hung ṭhuoiin a tuok ding chein a hung nghe nghe annaw,” an ti a.

INṬANNA 35:29

Chun, Isak chun a thlarau ân thla a, upatak, tarkûna damin a thi a, a chipuihai kuoma ṭhuoiin a um ta a: chun, a naupasalhai Esau le Jakob chun an phûm ta a.

INṬANNA 37:18

Anni chun hlataka inthawkin an lo hmu a, an kâwl hnai a tlung hmain ama thatna ding thu an lo rawt ta a.

INṬANNA 37:4

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hle a, ṭawngbau ṭha hrim a chungah an rawl thei ta naw a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an ti a. Chuongchun, a mang lei le a thuhril lei chun ama chu an theida nâwk zuol det a.

INṬANNA 50:15

Josef unauhai chun an pa thi chu an ngaituoin, “Josef hin mi theidâng a ta, a chunga thil ei suksuol po po phuba kha ei chunga hin la hung la kim nek el a ti aw,” an ti a.

INṬANNA 50:2

Chun, Josefin a siehlaw damdawi thiemhai chu a pa ruong chu hmawntheilova siem dingin thu a pêk a: chuongchun, damdawi thiemhai chun Israel ruong chu hmawntheilovin an siem a.

2 CHANCHIN SUINA 35:24

Chuongchun, a siehlawhai chun sakawr tawlailîra inthawk chun an lâk suok a, a sakawr tawlailîr danga chun an sie a, Jerusalemah an hung ṭhuoi ta a; a thi a, a thlatuhai thlân ina chun phûmin a um ta a, Juda le Jerusalem po poin Josia chu an sûn a.

INPÂKNA HLABU 142:3

Ka thlarau ka sûnga a châu lai khan, nangma ngeiin ka lampui chu i hriet a; Ka fena lampuia hin ka âwkna dingin châng an kam rûk a.

INPÂKNA HLABU 35:14

Ka ruol amanih, ka unau amani chunga chun ka um dân ding ang takin ka um a; Kân lawn vêl chu khuo khawm ngha ngam lova ngûiin. Mi a nu ṭâtu angin sûnin ka kûn a.

INPÂKNA HLABU 37:16

Mi fel thil tlâwmte nei chu, Mi rilo thil nei hnêr hnûr nêk chun a ṭha lem dai a nih.

THUVARHAI 1:16

An kehai chu rîtlona tieng a tlân a, Thisen insuo dingin an inhmaw si a.

THUVARHAI 18:19

Unaupa suklungawilova um chu khawpui dettak nêkin hne ân tak lem, Chuong inhalnahai chu kula thîrtluonhai ang a nih.

THUVARHAI 6:14

A lungrila chun kâwmâwna a um a, thilsuol a rawt suok rawp a, Indarna a tu hlak.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni si a.

EZEKIEL 35:5

Hun tâwpa hremna huna, an vângsiet lai hunah Israel thlahai chu kâwlhnâm thilthawtheina kuoma i lo pêk a, anni chu hmêlmâkna rê lo i nei leiin;

DÂN PAHNINA 34:8

Israel mihai chun Mosie chu Moab phaia chun ni sâwmthum an sûn a; chuongchun, Mosie sûna ṭap nihai chu a hung tâwp ta a.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.