INṬANNA 27:40 - Pathien Lekhabu Inthieng (BSI)

⁴⁰ I kâwlhnâmin a nih i hring ding chu, i sang rawng khawm i bâwl ding a nih; În tleng suok pha ruok chun, A rîngkawl chu i rînga inthawk thinthla tâng i tih,” a ti a.

INṬANNA 27:40 ပူးပေါင်းရင်းမြစ်များ

INṬANNA 25:23

Chun, Lalpain a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a ta.

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 32:6

Chun, palaihai chu Jakob kuomah an hung kîr nâwk a, “I u Esau kuom kan va tlung a, mi za li hung ṭhuoiin a tuok ding chein a hung nghe nghe annaw,” an ti a.

INṬANNA 33:9

Chun, Esau chun, “Kei khawmin ka hau ie, ka sangpa, i nei po po chu i ta ni raw se,” a ti a.

2 SAMUEL 8:14

Chun, Edoma chun râl vêng sipai a sie a, Edom ram hmun tinah sipai a sie nghuon el a; chuongchun, Edom mihai po po chu David siehlawhai an hung ni ta a; chuongchun, Lalpain David chu a fena tieng taphawtah ân hnetir ta pei a.

2 LALHAI 14:10

Nang hin Edom mihai chu i hne ngei luo a, i lungril a hung chapo tah a ni hi, i chapona kha intawmpui ṭawk ṭawk el rawh, nang le Juda ram puma sietna, i ta dinga thil ṭha naw ding iengdingin am i cho suok ding an leh,” tiin mi a tir ve a.

2 LALHAI 14:7

Edom mihai chu Machi Ruomah sîng khat a that a, Sela khuo chu a thaw a, a lâk a, a hming dingin Joktheel ân bûk a, tu chen hin an la ti a nih.

2 CHANCHIN SUINA 21:10

Chuongchun, vawisûn ni chen hin Edom mihai chu Judahai chunga chun an hel ta zing a; chu huna bawk chun Libna khuo khawm chu an lo hel ve a; a thlatuhai Pathien Lalpa chu a lo nghatsan tâk leiin.

2 CHANCHIN SUINA 21:8

Ama hun laia chun Edom ram chu Judahai chunga chun an hel a, anni chunga chun lal an siem ta a.

2 CHANCHIN SUINA 28:17

Edom mihai chu an hung nâwk a, Juda ram chu an hung rûn a, salah an ṭhuoi tâwl si a.

INPÂKNA HLABU 60:8

Moab chu kân sâwpna bêl a na; Edoma chun ka kekawk pei ka tih; Philistia khawm chu hnein khêk khum ka tih,” tiin.

MATTHAI 10:34

“Khawvêla hin inremna inlêngtir dinga hung am ka nih mi sâwn naw ro; inremna inlêngtir dinga hung ka ni naw a, kâwlhnâm inlêngtir dinga hung ka ni lem.