INṬANNA 27:4 - Pathien Lekhabu Inthieng (BSI)

⁴ Chun, ka thi hmaa mal ka sâwm theina ding chein, ka du zâwng takin hme inhniktakah mi siempêk la, ka fâk dingin ka kuomah hung la rawh,” a ti a.

INṬANNA 27:4 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 27:14

Chuongchun, a va fe a, a va lâk a, a nu kuomah a hungpui a; chun, a nu chun a pa du zâwngin hme inhniktakin a lo siem ta a.

INṬANNA 27:17

chun, hme inhniktak le bei a siemhai chu a naupa Jakob kutah a pêk bawk a.

INṬANNA 27:19

Jakob chun a pa kuomah, “I naupa upa lem Esau ka nih, i mi tir ang khan ka thaw zo tah, lunginsiettakin tho la, mal mi sâwm dingin ṭhung la, ka sakhi sa hi fa raw le,” a ta.

INṬANNA 27:23

Chuongchun, a kut chu Esau kut anga ân hmul leiin ama chu a hriet naw a; mal a sâwm ta a.

INṬANNA 27:25

Chun, ama chun, “Mi hung chawi hnai pêk rawh, chuongchun, mal ka sâwm theina ding chein ka naupa sakhi sa chu lo fâng ka tih,” a ta. Chuongchun, a hung chawi hnai pêk a, a fâk ta a; uoin khawm a lâkpêk a, a dâwn bawk a.

INṬANNA 27:27

Chuongchun, a va hnai a, a fâwp a: ama chun a silfên rim chu a hriet a, mal a sâwm ta a, “En ta, ka naupa rim hi Lalpa malsâwm ram rim ang a nih

INṬANNA 27:31

Ama khawm chun hme inhniktakin a siem a, a pa kuoma chun a hung chawi ve a, a pa kuoma chun, “Pa, tho la, mal i mi sâwmna dingin i naupa sakhi sa hi fa raw le,” a ti a.

INṬANNA 27:5

Chun, Isakin a naupa Esau a biek lai chu Rebekain a lo hriet a. Chuonga Esau chu sakhi kâpa hung hâwn dinga phûla a fe laiin,

INṬANNA 27:7

‘Sakhi mi hung kâppêk la, ka fâk a ka thi hmaa Lalpa hmaa mal ka sâwmna ding chein, hme inhniktakin mi hung siempêk rawh,’ tiin.

INṬANNA 27:9

Ran ruol lai va fe la, chutaka inthawk chu kêlte ṭha deu deu pahni mi va lapêk rawh: chu chu a duzâwng takin i pa ta dingin hme inhniktakah lo siem ka tih;

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 48:9

Josef chun a pa kuomah, “Hieng hi ka naupasalhai, Pathienin hitaka a mi pêkhai chu an nih,” a ti a. Ama chun, “Lunginsiettakin ka kuoma hin hung ṭhuoi rawh, anni chu mal lo sâwm ka tih,” a ti a.

INṬANNA 49:28

Chuong po po chu Israel hnam sâwm le hnam hni chu an nih; chun, hieng hi anni malsâwma an kuoma an pa thu hril chu a nih: an malsâwmna dawng ding ang peiin mal a sâwm seng a.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 24:51

Chun, mal a sâwmpêk lai takin anni chu a mâksan a, [vâna zuk ṭhuoiin a um ta a.]

HEBRAIHAI 11:20

Ringnain Isak chun thil la hung tlung dinghai thuah Jakob le Esau mal a sâwmpêk a.

JOSUA 14:13

Chuongchun, Josua chun ama chu mal a sâwm a; Jephunne naupa Kaleb chu a rochan dingin Hebron chu a pêk ta a.

JOSUA 22:6

Chuongchun, Josua chun anni chu mal a sâwm a, ân fetir ta a; chuongchun, an puon inhai tieng chun an fe ta a.