INṬANNA 27:29 - Pathien Lekhabu Inthieng (BSI)

²⁹ Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 27:29 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 25:33

Jakob chun, “Ka kuomah inkhâm zet raw le,” a ti a: chun, a kuoma chun ân khâm ta a, a nau lutîr nina chu Jakob kuoma chun a zawr ta a.

INṬANNA 27:30

Chun, Isakin Jakob mal a sâwm zo a Jakob chu a pa kuoma inthawka a suok hman chauin, a u Esau chu a ramsuok a hung a.

INṬANNA 27:37

Isak chun a dawn a, Esau kuomah, “Ngai ta, ama chu i lalah ka siem a, a unauhai po po khawm a siehlaw dingin ka pêk vawng a; bu le uoinin ka châwm ta bawk a; ka naupa, nanga ta dingin iengam thawpêk ka ti che a?” a ti a.

INṬANNA 27:40

I kâwlhnâmin a nih i hring ding chu, i sang rawng khawm i bâwl ding a nih; În tleng suok pha ruok chun, A rîngkawl chu i rînga inthawk thinthla tâng i tih,” a ti a.

INṬANNA 37:10

Chun, a pa chu a hril a, a uhai khawm; chun, a pa chun a kâwk a, a kuomah, “Mang i nei hi ieng mang am a ni lie? Kei le i nu le i uhai hin hnuoi sikin chibai kan bûk hlak ding che am a nih?” a ti a.

INṬANNA 37:7

ngai ta u, loa hin buphalhai ei lo intêl a, ngai ta u, ka buphal chu a hung tho a, a ngîr ta a; in buphalhai chun an hung inhuol a, ka buphal chu chibai an bûk tâwl a,” a ti a.

INṬANNA 9:27

Pathienin Japheth chu suklien sienla, Sem puon inhaiah um raw se; Kanaan chu a siehlawin um raw se,” a ti bawk a.

1 LALHAI 22:47

Chun, Edom rama chun lal an um naw a, lal aiawtu chun ro a rêl a.

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwmmanhai an hung chawi hlak a, Solomon dam sûng po chun a rawng an bâwl hlak a.

1 CHANCHIN SUINA 5:2

Juda chu a unauhai nêk chun a chunghnung lem a, chuongchun, amaa chun lalnau nina chu pêk a na, amiruokchu, rohluotu nina chu Josef ta a nih).

INPÂKNA HLABU 72:8

Ama chun tuipui pakhata inthawka tuipui dang chenin ramawp nei a ta, Vadungpuia inthawka kâwlkawdawng chen khawmin.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

NAMBAR 23:8

Iengtin am Pathien ṭawngsie inphur naw chu inphur thei ka ta?

NAMBAR 24:18

A hmêlma hlak Edom le, Seir dâm chu chang a tih; Israelhai chan a ṭhat sûng po chu.

NAMBAR 24:9

An kûn a, sakeibaknei angin an bawk a. Sakeibakneihai ang elin, tuin am chawktho a ta? Malsâwmtu taphawt cheu chu malsâwmin um sienla, Ṭawngsie inphurtu taphawt cheu chu ṭawngsephurin um raw hai se,” tiin.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:12

a kotu dit lei ni lemin, thlang tieng thua Pathien thu ruot chu a det theina dingin, a kuoma chun, “A upa lemin a naupang lem rawng bâwl a tih,” Pathienin a ti kha.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.