INṬANNA 26:8 - Pathien Lekhabu Inthieng (BSI)

⁸ Chutaka chun sâwttak a um hnungin, Philistin mihai lal Abimelek chun tukvera inthawkin a hei thlîr a; chun, ngai ta, Isak chun a nuhmei Rebeka chu ân saipui lai a hei hmu a.

INṬANNA 26:8 ပူးပေါင်းရင်းမြစ်များ

INṬANNA 26:7

Chu khuoa mihai chun a nuhmei chanchin an indawn a; ama chun, “Ka farnu a nih,” a ta: a hmêl a ṭhat leiin, “Hi khuoa mihai hin Rebeka lei hin mi that rawi an tih,” tiin, “Ka nuhmei a nih,” a ti ngam naw a nih.

INṬANNA 26:9

Chuongchun, Abimelekin Isak chu a ko a, “Ngai ta, i nuhmei a ni ngei hi, iengdinga ‘Ka farnu a nih,’ i ti am a na?” a ti a. Isak chun a kuomah, “Ama leiin thi rawi ka tih ka ti lei a nih,” a ta.

THUVARHAI 7:6

Ka in tukverah, Ka thirlêna chun ka en hlak si a.

THUHRILTU 9:9

Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.

HLAHAI HLA 2:9

Ka hmangaitak chu sakhi amanih, sazuk la amanih ang a na, Ngai ta, ei bang phênah a ngîr zing. A hung bi khu tukvera chun, Zâwngdaikal âwngah ân lang.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

RORELTUHAI 5:28

Sisera nu chu tukverah a hung dâk a, Zâwngdaikal âwnga chun a ko a; ‘Iengtiziea tawlailîr chu hung tlung intak am a ni a? Iengdinga tawlailîr kehai chu muong vieu am a ni a?’ a ti a.