INṬANNA 26:28 - Pathien Lekhabu Inthieng (BSI)

²⁸ Anni chun a kuomah, “Lalpa chu i kuomah a um ti chiengtakin kan hriet a: chuongchun, ei kârah, keini le nangma kâr ngeia hin inkhâmna um sienla, i kuomah thu mîn thlungtir la kan ti a nih:

INṬANNA 26:28 ပူးပေါင်းရင်းမြစ်များ

INṬANNA 24:3

chuongchun, Lalpa, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;

INṬANNA 24:41

ka laibunghai kuom ngei i tlung pha chun în khâmnaa inthawk hin inthieng i tih, nunghâk chu an pêk naw che chun, ka kuoma în khâmnaa inthawk hin inthieng i tih,’ a ti a.

INṬANNA 31:44

Hung ta, kei le nang hin thu thlung ei tih, chu chu kei le nanga kâra hrietna ni raw se,” a ti a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 39:5

A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

2 CHANCHIN SUINA 1:1

Chun, David naupa Solomon chu a rama chun sukdet a ni ta a, Lalpa a Pathien chu a kuomah a um a, ama chu nasatakin a chawimawi a.

2 CHANCHIN SUINA 15:9

Juda le Benjamin rama mi po po le, Ephraim le Manasse le Simeona inthawka chutaka hung inpêm lûthai chu a ko khâwm vawng a; Lalpa a Pathien chu a kuomah a um ti an hmu chun Israel rama inthawkin mi tamtak chu ama kuoma chun an lo kai ta si a.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

HEBRAIHAI 6:16

Mihriem hin anni nêka ropui lem sâlin an inkhâm hlak a, an insêlna tinrênga khawm sukdetna dingin inkhâm hi suktâwpna a ni hlak.

JOSUA 3:7

Chun, Lalpain Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawimawi ṭan ding che a nih.

1 SAMUEL 11:1

Chuongchun, Ammon mi Nahas chu a hung inthawk a, Jabes-Gilead thaw tumin a hang ep a; chun, Jabes mihai po po chun Nahas kuoma chun, “Kan kuomah thu thlung la, chuongchun, i rawng bâwl kan tih,” an ta.

1 SAMUEL 18:28

Chun, Saula chun David kuoma chun Pathien a um a nih ti a hriet chieng ta a: chun, Saula naunu Mikal chun ama chu a hmangai a.