INṬANNA 26:24 - Pathien Lekhabu Inthieng (BSI)

²⁴ Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 26:24 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 21:17

Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 22:19

Chuongchun, Abraham chu a siehlaw tlangvâlhai kuoma chun, a kîr nâwk ta a, chun, an tho a, Beer-sebaa chun, an fe tâwl ta a: chun Abraham chu Beer-sebaah a um ta zing a.

INṬANNA 24:12

Chun, “Aw Lalpa, ka pu Abraham Pathien, lunginsiettakin vawisûn hin mîn hlawtlingtir la, ka pu Abraham chunga chun lunginsietna inlangtir rawh.

INṬANNA 28:13

A tâwpa chun Lalpa a ngîr a, “Kei hi Lalpa i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INṬANNA 31:5

an kuomah, “In pa hmêl ka enin hi hma ang khan ka chungah a ṭha ta nawh ti ka hmu a; nisienlakhawm, ka pa Pathien chu ka kuomah a um zing a nih.

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 46:1

Chuongchun, Israel chu a nei po po leh a suok a, Beer-seba chu a tlung a, a pa Isak Pathien kuomah inthâwinahai ân hlân a.

1 LALHAI 17:13

Chun, Elija chun a kuomah, “Ṭi naw rawh, i hril ang chun va thaw phawt la, amiruokchu, chu chun bei chite bêk mi hung siempêk phawt la, chu chu mi hung chawipêk la, chu zoa chun i ta ding le i naupa ta ding chu i la siem ding annâwm.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ṬAP HLA 3:57

Nang ka hung ko ni chea chun i hung hnai a; “Ṭi naw rawh,” i ta.

LEVI DÂN 26:42

Jakob kuoma ka thuthlung chu hre zing ka ta, Isak le Abraham kuoma ka thuthlung khawm hre zing ka ta; ram khawm chu hre zing bawk ka tih.

LEVI DÂN 26:45

amiruokchu, an Pathien ka ni theina dinga, hnam tinhai mithmua Aigupta rama inthawka ka ṭhuoi suok, an thlatuhai le thuthlung chu, anni lei hin hre zing lem ka tih: Kei hi Lalpa chu ka nih,’ ti rawh,” tiin.

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni naw a, mi hring Pathien a ni lem,” a ta.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

THILTHAWHAI 7:32

‘Kei i thlatuhai Pathien ka nih, Abraham Pathien, Isak Pathien, Jakob Pathien chu,’ a lo ti a. Chuongchun, Mosie chu ân thin a, a en ngam ta naw a.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu Lalpa in Pathien a ni si a; inhlâwsamtir naw ni cheu, mâk khawm mâksan naw tawp a ti cheu,” tiin.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

RUTH 3:11

Tuhin, “ka naunu, ṭi naw rawh; i hni taphawt thawpêk pei ka ti che; ka khaw mi chanpui po poin nuhmei feltak i nih ti an hriet seng si a.