INṬANNA 26:22 - Pathien Lekhabu Inthieng (BSI)

²² Chutaka inthawk chu ân tâwl a, tuisunsuo dang a cho nâwk a: chu ruok chu chu lâkpêk tumin an insêlpui ta naw a: chuongchun, “Tuhin chu Lalpain hmun lientak a mi siempêk ta a, hi rama hin chi tamtak thla tâng ei tih,” tiin, a hmingah Rehoboth ân bûk a.

INṬANNA 26:22 ပူးပေါင်းရင်းမြစ်များ

INṬANNA 17:6

Nasatakin chi inthlatir ka ti che a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 26:21

Tuisunsuo dang an cho nâwk a, chu khawm chu lâkpêk tumin an insêlpui nâwk a; chuongchun, a hmingah Sitna ân bûk a.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 41:52

Chun, a nau pahnina hminga chun Ephraim a sak a, “Pathienin ka rinum tuorna rama hin chi a mîn thlatir ta si a,” a ta.

INPÂKNA HLABU 118:5

Ka lunginzîngnaa inthawkin, Lalpa chu ka ko a, Lalpa chun a mi dawn a, hmun inthâwl takah a mîn umtir ta a.

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

INPÂKNA HLABU 18:19

Ama chun hmun inthâwltakah a mi ṭhuoi suok a, Ka chungah a lâwm leiin a mi lo sanhim tah a nih.

INPÂKNA HLABU 4:1

Aw ka felna Pathien, ka ko pha che chun mi hung dawn la, Ka lunginzîng chun nangin i mi sukthawveng hlak a: Mi lunginsiet la, ka ṭawngṭâina hi mi ngaipêk la.

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

ISAI 54:2

I puon in hmun chu zau rawh, i umnahai puon in chung chu keipharin um raw se; ret naw rawh, i hruihai chu suksei la, i keimarna hembûrhai chu sukdet rawh.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.