Esau chun Jakob kuomah, “Lunginsiettakin i iengkhat sen suong hruoi kha, kha ngei kha mîn fâktir raw khai, ka ṭâm êm el,” a ta (chuleiin, a hming chu Edom an ti a nih).
Chun, Jakob chun Esau chu bei le havai suong hruoi chu a pêk a; chuongchun, a fâkin a dâwn a, a tho a, a fe ta a. Chuong ang chun Esau chun a nau lutîr nina chu a ngainêp a nih.
Chun, Elisa chu Gilgalah a fe nâwk a; chun, chu rama chun ṭâm nasatak a tla a; zâwlnei naupasalhai chu a hmaa chun an ṭhung a, a siehlaw kuoma chun, “Bel lientak inchuon la, zâwlnei naupasalhai ta dingin hmepawk suong rawh,” a ta.
Chun, mi pakhat chu ramah anhna zawng dingin a va fe a; grêp suok hrui hi a va hmu a; chutaka ûmzâm chu a pawm khawp ṭeuin a hung inkhâwm bawk a, a hung a, a channawi a, hmepawk bêla chun a thlâk ta a; an hriet si naw a.
‘Miin a silfên puonhmawrin sa inthieng a pai a, chu puonhmawr chun bei amanih, thil suonghruoi amanih, uoin amanih, hriek amanih, sa amani khawm a tâwk chun inthieng a hung ni ding am a nih?’ ti hi,” tiin. Chuongchun, thiempuhai chun an dawn a, “Ni lo e,” an ta.
Chuongchun, mipui laia mi pakhat chun a lo dawn a, “I pa chun mipuihai hi, ‘Vawisûna bu fa taphawt chu ṭawngsephurin um raw se,’ tiin a mi vau tlat a, mipuihai khawm an chau hle hrim a,” a ta.