INṬANNA 25:23 - Pathien Lekhabu Inthieng (BSI)

²³ Chun, Lalpain a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a ta.

INṬANNA 25:23 ပူးပေါင်းရင်းမြစ်များ

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:4

“Ngai ta, kei chun ka thuthlung chu i kuomah a nih ka thlung chu: chuongchun, chi tum tum, chi tamtak thlatu ni tâng i tih.

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 25:24

Chun, a nau nei a hun chun, ngai ta, a sula chun inphîr an lo um a,

INṬANNA 25:27

Chun, naupanghai chu an hung inṭhang lien a, Esau chu sapêl thiemtak, ramsuok mi tak a nih; Jakob ruok chu mi totak, puon in dâma um mi a nih.

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 27:33

Chuongchun, Isak chu nasatakin ân thin a, “Sakhi kâp a, ka kuoma a sa hung la a, i hung tlung hmaa ka ifâk zo ta a, mal ka isâwm ta kha tu am a ni a? Anih, ama chu malsâwmin um tho tho tâng a tih,” a ti a.

INṬANNA 27:37

Isak chun a dawn a, Esau kuomah, “Ngai ta, ama chu i lalah ka siem a, a unauhai po po khawm a siehlaw dingin ka pêk vawng a; bu le uoinin ka châwm ta bawk a; ka naupa, nanga ta dingin iengam thawpêk ka ti che a?” a ti a.

INṬANNA 27:40

I kâwlhnâmin a nih i hring ding chu, i sang rawng khawm i bâwl ding a nih; În tleng suok pha ruok chun, A rîngkawl chu i rînga inthawk thinthla tâng i tih,” a ti a.

INṬANNA 32:6

Chun, palaihai chu Jakob kuomah an hung kîr nâwk a, “I u Esau kuom kan va tlung a, mi za li hung ṭhuoiin a tuok ding chein a hung nghe nghe annaw,” an ti a.

INṬANNA 33:3

Ama chu an hmaa chun a fe a, a unaupa kuom tieng pana a fe chun a kuom a tlung hmain, vawisari hnuoi sikin chibai a bûk hman a.

INṬANNA 36:31

Hieng hi lal hrim hrimin Israel mihai chunga ro an rêl hmaa Edom rama rorêltu lalhai chu an nih.

INṬANNA 48:19

Nisienlakhawm, a pa chun a nuom naw a, “Ka hriet deh, ka naupa, ka hriet, ama khawm hnama hril khawpin um a ta, ama khawm ropui bawk a tih; amiruokchu, a sang hi ama nêkin ropui lem a ta, a thlahai khawm hi chi tum tum tamtak la hung nîng an tih,” a ta.

2 SAMUEL 8:14

Chun, Edoma chun râl vêng sipai a sie a, Edom ram hmun tinah sipai a sie nghuon el a; chuongchun, Edom mihai po po chu David siehlawhai an hung ni ta a; chuongchun, Lalpain David chu a fena tieng taphawtah ân hnetir ta pei a.

1 LALHAI 22:47

Chun, Edom rama chun lal an um naw a, lal aiawtu chun ro a rêl a.

1 CHANCHIN SUINA 18:13

Chun, Edoma chun sipai pâwl a sie a, chuongchun, Edom mihai po po chu David khuo le tui an hung ni ta a. Chun, Lalpa chun a fena taphawtah David chu hnena a pêk pei a.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu Lalpa ta nîng a tih.

NAMBAR 20:14

Mosie chun Kadesa inthawk chun Edom lal kuomah mi a tir a, “I unaupa Israel chun hieng hin a tih, ‘Kan chunga tuorna hung tlung po po hi i hriet a;

DÂN PAHNINA 2:4

Mipuihai chu Seir tlânga um Esau thla in unauhai ramah in fe thleng ding a nih. Anni chun lo ṭîng an ti cheu; chuleiin, fimkhur hle ro.

DÂN PAHNINA 2:8

Chuongchun, Elath le Eziongebera inthawkin Araba lampuia fein, Seir tlânga um Esau thla ei unauhai ram ei fe thleng a. Chun, ei insawn a, Moab thlalêr tieng ei fe a.

1 SAMUEL 17:14

Chun, David chu a naupang tak a na, chun, a upahai pathum chun Saula an zui a.