INṬANNA 25:21 - Pathien Lekhabu Inthieng (BSI)

²¹ Chun, a nuhmei chu a ching leiin, Isak chun Lalpa kuomah a ngênpêk a, Lalpain a hnina chu a lo ngaipêk a; chuongchun, a nuhmei Rebeka chu ân rai ta a.

INṬANNA 25:21 ပူးပေါင်းရင်းမြစ်များ

INṬANNA 11:30

Chun, Sarai chu a ching a, nau hrim a nei naw a.

INṬANNA 16:2

Chun, Sarai chun Abram kuomah, “Ngai ta khai, Lalpain nau a mîn neitir phal naw hi, lunginsiettakin ka suoknu hi pâwl el rawh; amaa inthawk chun nauhai ka nei duoiin,” a ti a. Chuongchun, Abram chun Sarai thu chu a zâwm ta a.

INṬANNA 30:22

Chun, Pathienin Rakil chu a hriet zing a, Pathien chun a ṭawngṭaina a ngai a, a sul a hawngpêk ta a.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

2 CHANCHIN SUINA 33:13

Chun, ama kuoma chun a ṭawngṭai a, ama chu dawnsakin a um a, a hnina chu ngaiin a um a, ama ramah, Jerusalema chun hung ṭhuoi nâwkin a um ta a. Chun, Manasse chun Lalpa chu Pathien a nih ti a hriet ta a.

EZRA 8:23

Chuongchun, bu chu kan nghei a, hi hi ding hin kan Pathien chu kan ngên a: chuongchun, keini ngênthlûkin ama chu a um ta a.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

INPÂKNA HLABU 145:19

Ama ṭituhai dit chu inhlawtlingtir a ta, An khêkri chu hrieng a ta, anni sandam a tih.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

ISAI 45:11

Lalpa Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:7

Nisienlakhawm, Elizabeth chu a ching leiin nau an nei naw a, an pahni chun upatak an ni si a.

1 SAMUEL 1:11

Chun, thu a tiem a, “Aw sipaihai Lalpa, i suoknu tlâwmzie hi i hriet tak meu a, i mi hriet zing a, i suoknu hi i mi theinghil naw a, i suoknu hi naupasal i pêk chun a dam sûng po chu Lalpa pe ve thung ka ta, a lu khawm vâw hrim hrim ni naw ni,” a ta.

1 SAMUEL 1:17

Eli chun, “Lungmuongtakin fe raw khai, Israelhai Pathien chun i thil hni chu pe raw se che,” a ti a, a dawn a.

1 SAMUEL 1:2

Nuhmei pahni a nei a, pakhat hming chu Hanna a na, a dang hming chu Peninna a nih; chun, Peninna chun nauhai a nei a, Hanna ruok chun nau a nei ve naw a.

1 SAMUEL 1:27

Hi naupang hni hin ka ṭawngṭai a na, chun, Lalpa chun ka hni chu a mi pêk ta a.