INṬANNA 24:45 - Pathien Lekhabu Inthieng (BSI)

⁴⁵ Chun, ka lungrila ka hril zo hma chun, ngai ta, Rebeka hi a tuibêl putin a hung suok a; chun, tuikhura chun a zu fe a, tui a zu chawi a; chun, a kuomah, ‘Lunginsiettakin tui mîn dâwntir ta khai,’ ka ti a.

INṬANNA 24:45 ပူးပေါင်းရင်းမြစ်များ

INṬANNA 24:44

Chun, amân, “Dâwn rawh, i sanghâwngseihai ta ding khawm hin chawi ka tih,” titu taphawt chu, chu ngei chu ka pu naupa ta dinga Lalpa nuhmei ruot chu ni raw se,’ ka ti a.

2 SAMUEL 7:27

Aw Sipaihai Lalpa, Israel Pathien, i siehlaw kuomah, ‘Sûngkuo chu inngîrpêk ka ti che,’ tiin i puong ta si a, chuleiin, i siehlaw hin hi ṭawngṭaina hi i kuomah ân tlun ngam a nih.

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

DANIEL 9:19

Aw Lalpa, lo hre ta, aw Lalpa, ngaidam rawh, aw Lalpa, lo hre la,hung thaw ta, muong naw la; nangma zâra ngei chun, aw ka Pathien, i khawpui le i mihai chu nangma hming chawia hming sak an ni leiin,” tiin.

DANIEL 9:23

I hninahai în tlun tîra inthawk khan thu chu a hung suok a, chun, hril ding chein ka hung ta a; nasataka ditsak i ni si a; chuleiin, thil chu ngaituo la, thilhmulâwk thu chu a ngaina lo hre rawh.

MATTHAI 7:7

“Hni ro, chuongchun, pêkin um in tih; zawng ro, chuongchun, hmûng in tih;

THILTHAWHAI 10:30

Chun, Korneli chun, “Ni li a ni tah, tu ang hunah hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhangpui hlak a; ieng anga ṭawngṭai ding am a ni ti ei hriet si naw a; nisienlakhawm, Thlarau chun inrûm hril ruol lovin a mi ṭawngṭai pêk hlak.