INṬANNA 24:40 - Pathien Lekhabu Inthieng (BSI)

⁴⁰ Nisienlakhawm, ama chun ka kuomah, ‘Lalpa a hmaa ka um hlakna chun a vântirko chu i kuomah tir a ta, i fena dinga chun inhlâwtlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;

INṬANNA 24:40 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 24:56

Ama chun an kuomah, “Mi sukhnu naw ro khai, Lalpa chun ka fenaa hin a mîn hlâwtlingtir ta si a: ka pu kuoma ka fe theina dingin mîn fetir el lem ro khai,” a ta.

INṬANNA 24:7

Lalpa vân Pathien, ka pa ina inthawk le ka piengna rama inthawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tia ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.

INṬANNA 48:15

Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

INṬANNA 5:24

Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

1 LALHAI 2:3

i thilthaw taphawta le i nghatna tieng poa i tluongtlung theina dingin Mosie Dân ziek anga, Lalpa i Pathienin a lampuihai hraw ding le, a thuruot dâm, a thupêk dâm, a rorêlhai dâm le, a thuinhriettir pawm dinga a pêkhai hi zâwm rawh;

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 16:8

Lalpa chu ka hmaah kân umtir rawp hlak a, Ka changtieng a um leiin inhnîng naw ning.

INPÂKNA HLABU 91:11

I kawng tinrênga humhim ding chein, I chungthua chu a vântirkohai chu thu a pêk ding a ni si a.

FESUOKNA 23:20

“Ngai ta, i lampuia enkawl ding che le, hmun ka buotsaia chun ṭhuoi ding chein i hmaah vântirko ka tir a nih.

FESUOKNA 33:2

In hmaah ka vântirko tir ka ta, Kanaan mihai, Amor mihai, Hit mihai, Periz mihai, Hiv mihai le Jebus mihai chu hnawt suok ka tih.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 22:8

Kei Johan hieng thil po po hmutu le hretu chu ka nih. Chun, ka hrieta ka hmu chun hieng thil mîn entirtu vântirko ke bulah Pathien chibai bûka bûk dingin ka bawkkhup a.