INṬANNA 24:32 - Pathien Lekhabu Inthieng (BSI)

³² Chun, chu mipa chu ina chun a lût a, chun Laban chun sanghâwngseihai thuomhnaw chu a sût a; sanghâwngseihai ta ding chun bupâwl le ran bu a pêk a, a ke le a ruolhai ke sâwpna dingin tui a pêk bawk a.

INṬANNA 24:32 ပူးပေါင်းရင်းမြစ်များ

INṬANNA 18:4

tui tlâwmte bêk hung la hai sienla, in kehai sâwp unla, thing hnuoia hin châwl hri ta u;

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a ti a. Anni chun, “Ni lo e, khawlaiah riek lem kan tih,” an ti a.

INṬANNA 24:33

Chun, Abraham siehlaw hmaa chun fâk ding an hung pêk bawk a; nisienlakhawm, ama chun, “Ka hungna san thu ka hril hmakhat chun fa naw ning,” a ti a. Ama chun, “Hril ta la,” a ti a.

INṬANNA 29:13

Laban chu a farnu naupa Jakob chanchin a hriet chun, a tuok dingin a tlân a, a kuo a, a fâwp a, ama chu a inah a ṭhuoi ta a. Chun, Jakobin chuong thu po po chu Laban a hril ta a.

INṬANNA 43:24

A in enkawltu chun anni chu Josef in sûngah a ṭhuoi lût a, tui a pêk a, an ke an sâwp a; an sabengtunghai chu bu a pêk bawk a.

LUKA 7:44

Chun, nuhmei tieng chu a ngha a, Simon kuoma chun, “Hi nuhmei hi i hmu? I inah ka hung lût a, nangin ka ke sâwpna ding tui i mi pêk naw a, ama ruok hin chu a mitthliin ka ke a sukhu a, a samin a hrûk a nih.

1 TIMOTHE 5:10

thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lunginzînghai lo sawmdâwl taa, thil ṭha tinrêng taimataka a lo thaw ta phawt chun.

RORELTUHAI 19:21

Chuongchun, a inah a ṭhuoi lût a, sabengtunghai chu bu a pêk a; chun, an kehai dâm an sâwp a, an fâkin an dâwn ta a.

1 SAMUEL 25:41

Chun, a tho a, a hmaia hnuoi sikin chibai a bûk a; “Ngai ta u, in siehlawnu hi ka lalpa siehlawhai ke sâwp dinga siehlaw ka nih,” a ta.