INṬANNA 24:31 - Pathien Lekhabu Inthieng (BSI)

³¹ Chun, Laban chun, “Nang Lalpa malsâwmna dawngtu, hung lût rawh, iengdinga tuola i ngîr zing am? In le sanghâwngseihai ta ding hmun ka siemrêl tah a nih,” a ta.

INṬANNA 24:31 ပူးပေါင်းရင်းမြစ်များ

INṬANNA 18:3

“Pu, i mi lunginsiet thei chun lunginsiettakin in siehlaw hi mi fe khêl lul naw ro khai,

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a ti a. Anni chun, “Ni lo e, khawlaiah riek lem kan tih,” an ti a.

INṬANNA 19:3

Nisienlakhawm, ama chun a thlêm a thlêm a; chuongchun, ama chu an zui a, a ina chun an lût a: chun, ama chun hme a siempêk a, chawl ṭhanglo bei a zeu a, an fâk ta a.

INṬANNA 24:30

Hnâra inbûk le a farnu kuta bânbunhai chu a hmu a, “Mi chun chuong ang khâng ang chun a mi tih,” tia a farnu Rebeka thu hril chu a hriet phingleh, mi kuoma chun a va fe a; chun, ngai ta, ama chu tuikhura sanghâwngseihai lai chun a lo ngîr zing a.

INṬANNA 26:29

i pawi iengkhawm kan tâwk naw a, thil ṭha bak naw chu i chunga hrim iengkhawm kan thaw naw a, tlangtaka kan infetir el che ang khan, nang khawma kan sietna ding hrim i thaw nawna dingin: tuhin nang chu Lalpa malsâwmna dawngtu i ni ta hi,” an ti a.

INṬANNA 29:13

Laban chu a farnu naupa Jakob chanchin a hriet chun, a tuok dingin a tlân a, a kuo a, a fâwp a, ama chu a inah a ṭhuoi ta a. Chun, Jakobin chuong thu po po chu Laban a hril ta a.

INPÂKNA HLABU 115:15

Lalpa chun mal sâwm raw se cheu, Ama chu hnuoi le vân siemtu a nih.

THUVARHAI 17:8

Thamna hi a neitu ta ding chun mithaia lung hlutak ang a na, Ân her vêlna taphawta chun a hlawtling hlak.

THUVARHAI 18:16

Mihriem thilthlâwnpêk chun ama ta dingin hmun a siempêk a, Ama chu mi ropuihai hmaah a hung ṭhuoi hlak.

RORELTUHAI 17:2

Ama chun a nu kuomah, “Tangka sâng khat le za khat an inrûkpêk che a, nang khawma ṭawngsie inphura, ka na hriet ngeia i hril kha, en ta, kha tangka kha ka kuomah a um a, keia lâk a ni kha,” a ti a. A nu chun, “Ka naupa chu Lalpa malsâwmin um raw se,” a ti a.

RUTH 3:10

Ama chun, ka naunu Lalpain malsâwm raw se che; tlangvâl pasie amanih hausa i zui nawa hin a hmasaa nêk hmanin hi hnunga mia hin ṭhatna i suklang nasa ta lem a nih.