INṬANNA 24:3 - Pathien Lekhabu Inthieng (BSI)

³ chuongchun, Lalpa, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;

INṬANNA 24:3 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 14:22

Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;

INṬANNA 21:23

chuleiin, ka lo lunginsiet ta che ang khan kei le hi i khuolchâmna ram hi lunginsiet ve thunga, kei le ka naupa le ka naupa naupa khawm hlêm lo dingin Pathien hming sâlin tuhin ka kuomah inkhâm rawh,” a ti a.

INṬANNA 24:7

Lalpa vân Pathien, ka pa ina inthawk le ka piengna rama inthawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tia ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.

INṬANNA 27:46

Chun, Rebeka chun Isak kuomah, “Hit naunuhai lei hin nun hi ka nghawk a nih. Jakob hin hi ram nunghâk, hieng Hit naunuhai laia mi hi nuhmeiin a nei ve nâwk lem chun, ka ta dingin hring hi ieng am ṭhahnem a ta?” a ti a.

INṬANNA 28:1

Chuongchun, Isak chun Jakob chu a ko a, mal a sâwm a, thu a pêk bawk a, a kuomah, “Kanaan ram nunghâkhai laia mi hi nuhmeiin i nei ding a ni nawh.

INṬANNA 28:8

Chuonga Esauin Kanaan nunghâkhai chun a pa Isak lung chu an buo naw hle ti a hriet chun,

INṬANNA 34:9

Innei pawl ei tiu, in naunuhmei hai mîn neitir unla, kan naunuhmeihai khawm nei bawk ro.

INṬANNA 38:2

Juda chun chutaka chun Kanaan mi pakhat a hming Sua naunu a hmu a, ama chu a neia a pâwl ta a.

INṬANNA 47:31

Chun, ama chun, “Ka kuomah inkhâm raw le,” a ti a; chuongchun, a kuomah ân khâm ta a. Chun, Israel chu khum lu sikin a kûn ta a.

INṬANNA 50:25

Chun, Josef chun Israel mihai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a ti a.

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

INṬANNA 6:4

Chuong lai le chu hnunga khawm, Pathien naupasalhaiin mihiem naunuhmeihai chu an pâwl a, anni leh nauhai an nei hlak lai khan Nephilimhai chu hnuoia hin an um a; chuonghai chu tienlaia mi hrât, indothiem hming inthanghai chu an nih.

2 LALHAI 19:15

Chun, Hezekia chu Lalpa hmaah a ṭawngṭai a, “Aw Lalpa, cherubhai chunga ṭhung, Israel Pathien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

2 CHANCHIN SUINA 2:12

Huram bawk chun, “Lalpa Israelhai Pathien, hnuoi le vân siemtu lal David kuoma naupasal vartak hrietthiemna le thlierthiemna nei mi, Lalpa ta ding le a lal ram ta dinga in bâwltu ding petu chu inpâkin um raw se.

EZRA 5:11

Chun, anni chun hieng ang hin an mi dawn a, ‘Hnuoi le vân Pathien siehlawhai kan na, Israel lal ropuitakin a lo bâwl, kum tamtak a lo bâwl tah, in hi, kan bâwl a nih.

NEHEMIA 13:25

Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

NEHEMIA 9:6

“Nangma chau hi Lalpa i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

INPÂKNA HLABU 115:15

Lalpa chun mal sâwm raw se cheu, Ama chu hnuoi le vân siemtu a nih.

INPÂKNA HLABU 136:26

Aw, vân Pathien kuoma chun lâwmthu hril ro: A ngilneina chu kumkhawtluongin a um ding a ni si a.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

FESUOKNA 22:11

a vênghai thuomhnawhai chungah kutkem a hmang le hmang naw, Lalpa hmaa inkhâmna chu an inkârah um ve vêng a ta, chu chu a ran neitu khawm chun pawm a ta; a thung ṭûl naw nih.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

FESUOKNA 34:16

An naunuhmeihai chu i naupasalhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si lova, felnaa khawm ni bawk si lo, Lalpa hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vânkhuphnuoia inthawk le leihnuoia inthawk chun bohmang an tih.

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

JEREMIA 29:6

nuhmeihai nei unla, naupasalhai, naunuhmeihai nei unla: in naupasalhai nuhmei inneitir unla, in naunuhmeihai khawm pasal inneitir bawk unla, naupasalhai le naunuhmeihai an nei theina dingin; chutaka chun hung pung pei unla, kiem tieng pan ta naw ro.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

LEVI DÂN 19:12

In Pathien hming hrilse dingin ka hming sâlin khêlin in inkhâm ding a ni nawh; Kei hi Lalpa in Pathien chu ka nih.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

NAMBAR 5:21

Chun, thiempu chun nuhmei chu vau a ta, ṭawng inkhâmtir a ta, nuhmei kuomah thiempu chun, Lalpain i êlpui a sukthlam a, i phîng a sukvûng chun Lalpain i chipuihai lai ṭawngsephurin siem raw se che.

1 KORINTH 7:39

Nuhmei chu a pasal dam sûng po po chu phuor a na; nisienlakhawm, a pasal a thi ta chun a nuom nuom nei thei a tih; amiruokchu, Lalpaa um mi a ni ding a nih.

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 6:13

Lalpa in Pathien chu in ṭi ding a na, ama rawng chu bâwl in ta, a hming chau sâlin ṭawng in inkhâm ding a nih.

HEBRAIHAI 6:16

Mihriem hin anni nêka ropui lem sâlin an inkhâm hlak a, an insêlna tinrênga khawm sukdetna dingin inkhâm hi suktâwpna a ni hlak.

JOSUA 2:12

Chuleiin, tuhin ka ngên cheu a nih, hi in chungah ka lunginsietzie cheu ka lo suklang ta a, nangni khawma ka pa sûnghai chungah in lunginsietna chu hung inlangtir ve ding le inchikna fietak mi siempêk dingin Lalpa hming sâlin mîn khâmpêk ro:

RORELTUHAI 14:3

A nu le pa ruok chun a kuomah, “I unauhai naunuhmeihai laia manih, ei chihai po po laia hin amanih nuhmei an um dêr naw nîng a ti maw, Philistin mi, sertanlohai laia nuhmei ding i zu zawng el chu?” an ti a. Samson ruok chun a pa kuomah, “Mi neipêk el rawh, ka dit êm i sawnnâwm ie,” a ti a.

1 SAMUEL 20:17

Chun, Jonathan chun ama a hmangaina sâlin David kuoma chun ṭawng ân khâm nâwk a, ama hringna a hmangai ang chiein a hmangai si a.

1 SAMUEL 30:15

David chun a kuomah, “Chuonghai rawi umnaa chun mi zu ṭhuoi thei i ti?” a ta. Ama chun, “Mi that lo ding le, ka pu kuta mi pe nâwk lo dingin Pathien hming sâlin ṭawng inkhâm la, chuongchun, chuonghai umnaa chun zu ṭhuoi ka ti che,” a ta.