INṬANNA 24:27 - Pathien Lekhabu Inthieng (BSI)

²⁷ Chun, “Ka pu chunga a lunginsietna le a takna bo ngailo Lalpa, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a ti a.

INṬANNA 24:27 ပူးပေါင်းရင်းမြစ်များ

INṬANNA 13:8

Chuongchun, Abramin Lota kuomah, “Lunginsiettakin, kei le nanga inkârah, ka ran puhai le i ran puhai inkâra khawm, insêlna um naw raw se; unau ei ni si a.

INṬANNA 14:20

i hmêlmahai i kuta petu Pathien Chunghnungtak chu inpâkin um raw se,” a ta. Abram chun ama chu iengkim sâwmapakhat a pêk a.

INṬANNA 24:12

Chun, “Aw Lalpa, ka pu Abraham Pathien, lunginsiettakin vawisûn hin mîn hlawtlingtir la, ka pu Abraham chunga chun lunginsietna inlangtir rawh.

INṬANNA 24:21

A vân zinnaa chun Lalpain ân hlâwtlingtir le tir naw hrietna dingin siehlaw chun amanu chu to ṭawkin a en zing a,

INṬANNA 24:4

ka ram tieng, ka laibunghai laia fein, ka naupa Isak hi nuhmei i neipêk lem ding a nih,” a ta.

INṬANNA 24:42

Chuongchun, vawisûn hin tuikhur chu ka hung tlung a, ‘Aw Lalpa, ka pu Abraham Pathien, ka fenaa hin i mîn hlâwtlingtir ding chun,

INṬANNA 24:48

Chun, ka lu ka kûn a, Lalpa chu chibai ka bûk a, Lalpa, ka pu Abraham Pathien, ka pu laibungpa naunu hi a naupa ta dinga nuhmeia neipêk dinga lampui indiktaka mi ṭhuoitu chu kân pâk bawk a.

INṬANNA 32:10

i siehlaw chunga lunginsietna po po în langtir le thutak po po în langtir laia a chîntak khawm hi hmu tlâk ka ni nawh; hi Jordan hi ka hmawl le bak ka kân a; tuhin chu pâwl hni zet ka lo ni ta hi.

INṬANNA 32:11

Lunginsiettakin ka u kuta inthawk, Esau kuta inthawk ngei chu mi sanhim rawh, nunau puma a mi hung that ka ṭi si a.

INṬANNA 9:26

“Lalpa, Sem Pathien chu inpâkin um raw se. Kanaan chu Sem siehlawin um raw se

2 SAMUEL 18:28

Chun, Ahimaaz chun a ko a, lal kuomah, “A ṭha vawng ie,” a ta. Chun, a hmaia hnuoi sikin lal hmaa chun chibai bûkin a kûn a, “Lalpa, ka lalpa thaw tuma kut thlâk tumtuhai lo dangtu Lalpa i Pathien chu inpâkin um raw se,” a ta.

INPÂKNA HLABU 100:5

Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 68:19

Lalpa ei phur ni tina a mi phurpêktu, A mi sandamtu Pathien chu inpâkin um raw se.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

FESUOKNA 18:10

Jethro chun, “Aigupta mihai kuta inthawk le, Pharao kuta inthawka sansuoktu cheu Lalpa chu inpâkin um raw se; Aigupta mihai kuta inthawka a mihai sansuoktu chu.

FESUOKNA 2:11

Mosie chu a hung puitling a, ni khat chu a unauhai kuomah a va fe a; an rikphurhai chu a hmu a: chun, a unauhai laia mi pakhat, Hebrai mi, Aigupta miin a vuok a hmu a.

FESUOKNA 2:13

A ni hninaa a va fe suok nâwk chun, ngai ta, Hebrai mi pahni an lo insuol a; ama chun a thil suksuoltu lem kuoma chun, “Iengdinga i unau i vuok am a na?” a ti a.

FESUOKNA 34:6

Lalpa chun a hmatieng a lekhêl a, “Lalpa chu, Lalpa chu Pathien, lainatnaa sip, mi lunginsietthei, lunginsen intak, zângaina le thutak hau,

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

THUVARHAI 8:20

Felna lampuia chun ka fe a, Rorêlna lampuitakhaia chun.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

RUTH 4:14

Chuongchun, nuhmeihai chun Naomi kuomah, “Lalpa chu inpâkin um raw se. Ama chun laibung boin a thlathlam naw che a; a hming chu Israel ramah hung inthang raw se!

1 SAMUEL 25:32

Chun, David chun Abigail kuoma chun, “Vawisûna mi tuok dinga hung tirtu che Lalpa Israelhai Pathien chu inpâkin um raw se;

1 SAMUEL 25:39

Chun, Davidin Nabal chu a thi ti a hang hriet chun, “Ka hming sietna dingin Nabal thilthawa mi hrilpuia, a siehlaw chu thil ṭha naw chu thaw lo dinga mi khaptu Lalpa chu inpâkin um raw se; Nabal thil ṭha naw thaw chu Lalpain ama chung ngeiah ân tlâktir ta a nih,” a ta. Chun, David chun Abigail chu nuhmei dinga va be dingin mi a tir a.