INṬANNA 24:24 - Pathien Lekhabu Inthieng (BSI)

²⁴ Ama chun a kuomah, “Nahor ta dinga nei Milka naupa Bethuel naunu ka nih,” a ta.

INṬANNA 24:24 ပူးပေါင်းရင်းမြစ်များ

INṬANNA 11:29

Chun, Abram le Nahor chun nuhmei an nei a; Abram nuhmei hming chu Sarai a ni a; Nahor nuhmei chu Haran naunu Milka a ni a, Milka chu Iska unaunu a nih.

INṬANNA 22:20

Chuong thil hnunga chun, “Ngai ta, Milka khawm khan i sang Nahor chu nauhai a neipêk tah,” tiin Abraham chu hrilin a um a.

INṬANNA 22:23

Bethuel chun naunuhmei Rebeka a nei a; chuonghai pariet chu Milka chun Abraham sangpa Nahor chu a neipêk a.

INṬANNA 24:15

Chun, a hril zo hmain, ngai ta, Abraham sangpa Nahor nuhmei Milka naupa Bethuel naunu Rebeka chu a liengkoa tuibêl putin a hung suok a.

INṬANNA 24:23

a kuomah, “Tu naunu am i ni a, lunginsiettakin mi hril ta. I pa inah kan riekna ding hmun um a ti?” a ti a.

INṬANNA 24:25

Ama bawkin a kuomah “Bupâwl le ran bu kan hau ve ve a, riekna hmun khawm kan nei,” a ti nâwk a.

INṬANNA 24:47

Chun, keiin, ‘Tu naunu am i ni a?’ tiin kân dawn a. Ama chun, ‘Milka ineipêk Nahor naupa Bethuel naunu ka nih,’ a ti a; chun, hnâra inbûk chu a hnârah kân bûk a, bânbunhai chu a kutah kân buntir bawk a.

INṬANNA 29:5

Ama chun an kuomah, “Nahor naupa Laban in hriet am?” a ti a. Anni chun, “Hre e,” an ti a.