INṬANNA 24:17 - Pathien Lekhabu Inthieng (BSI)

¹⁷ Chun, siehlaw chu ân tuokpui dingin a tlân a, “Lunginsiettakin i tuibêla tui kha tlâwmte mîn dâwntir raw khai,” a ti a.

INṬANNA 24:17 ပူးပေါင်းရင်းမြစ်များ

INṬANNA 24:45

Chun, ka lungrila ka hril zo hma chun, ngai ta, Rebeka hi a tuibêl putin a hung suok a; chun, tuikhura chun a zu fe a, tui a zu chawi a; chun, a kuomah, ‘Lunginsiettakin tui mîn dâwntir ta khai,’ ka ti a.

1 LALHAI 17:10

Chuongchun, a tho a, Zarephath khuoa chun a fe ta a; chun, chu khaw kul kawtkhâr chu a va tlung chun, ngai ta, hmeithai pakhat thing inkhâwm hi a lo um a; ama chu a hang ko a, bêlin tui tlâwmte mi hung lapêk ta, hang dâwn ka tih,a ta.

ISAI 21:14

Dabgchârhai kuomah tui hung chawi unla, aw nangni Tema ram hluotuhai,tlânhmanghai ta dingin bu hung chawi ro.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

JOHAN 4:7

Samari nuhmei pakhat tui chawi dingin a hung a, Isûn a kuomah, “Dâwn ding mi pe rawh,” a ta.

JOHAN 4:9

Chuongchun, Samari nuhmei chun a kuomah, “Nang Juda mi i na, kei Samari nuhmei ka ni si a, iengtizie am a na, ka kuoma dâwn ding i hnih?” a ta. (Judahaiin Samari mihai ieng khawm an inṭâwmpui ngai si nawh.)