INṬANNA 24:16 - Pathien Lekhabu Inthieng (BSI)

¹⁶ Chu nunghâk chu a hmêl a ṭha hle a, nunghâk inthieng a ni a, pasal hrim hrimin an la pâwl ngai dêr nawh. Tuikhura chun a zu fe a, a tuibêl a thâl sip a, a hung tung ta a.

INṬANNA 24:16 ပူးပေါင်းရင်းမြစ်များ

INṬANNA 12:11

Aigupta a lût ding lai chun a nuhmei Sarai kuoma chun, “Ngai ta, nuhmei hmêl ṭhatak i nih ti ka hriet;

INṬANNA 26:7

Chu khuoa mihai chun a nuhmei chanchin an indawn a; ama chun, “Ka farnu a nih,” a ta: a hmêl a ṭhat leiin, “Hi khuoa mihai hin Rebeka lei hin mi that rawi an tih,” tiin, “Ka nuhmei a nih,” a ti ngam naw a nih.

INṬANNA 29:17

Leah chu mitmeng inkhup deutak a ni a, Rakil ruok chu pieng ṭhatak, hmêl ṭhatak a nih.

INṬANNA 39:6

Chuongchun, a nei po po chu Josef kutah a sie tlat a, a kuoma thil um hrim hrim chu a hrietpui dêr naw a, ama bufâk bak naw chu. Josef chu mi pien ṭhatak a ni a, a hmêl khawm a ṭha hle a.

INṬANNA 4:1

Chun, Adam chun a nuhmei Evi chu a pâwl a; chuongchun, ân rai a, Kaina a hung nei a, “Lalpa ṭhangpuinain pasal ka nei tah,” a ta.

HLAHAI HLA 5:2

Ka lo in a, ka lung ruok chu a har a, Chu! ka hmangaitak chu a hung nâwk ie, “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin.