INṬANNA 24:11 - Pathien Lekhabu Inthieng (BSI)

¹¹ Chun, zântienga nuhmei ruol tui chawi dinga an suok hun lai tak chun, khawhnâwmah tuisunsuo kâwla chun a sanghâwngseihai chu ân dingṭhaṭhuontir a.

INṬANNA 24:11 ပူးပေါင်းရင်းမြစ်များ

INṬANNA 24:42

Chuongchun, vawisûn hin tuikhur chu ka hung tlung a, ‘Aw Lalpa, ka pu Abraham Pathien, ka fenaa hin i mîn hlâwtlingtir ding chun,

INṬANNA 29:2

A hang en chun phûla tuisunsuo um hi a hmu a, a kâwla chun berâm ruol thum hi an um zing a; chu tuisunsuoa inthawk chun berâm ruolhai chu tui an indâwntir hlak a nih: tuisunsuo kawta lung um chu a lien hle el a.

FESUOKNA 2:15

Pharao chun chu thil chu a hriet phingleh, Mosie chu sukhlum dingin a zawng ta a. Nisienlakhawm, Mosie chu Pharao hmaa inthawk a tlân hmang a, Midian ramah a um ta zing a; chun, tuisunsuo sîrah a ṭhung ta a.

FESUOKNA 2:16

Midian mihai thiempu chun naunuhmei pasari a nei a; anni chu an hung a, tui an chawi a, an pa berâm ruol chu tui pe dingin tuibêlhai chu an thâl sip a.

THUVARHAI 12:10

Mi fel chun a ran hai hringna chu a ngaisak a, Mi suol zângaina innêm ruok chu a rilo.

JOHAN 4:7

Samari nuhmei pakhat tui chawi dingin a hung a, Isûn a kuomah, “Dâwn ding mi pe rawh,” a ta.

RORELTUHAI 5:11

Tuichawina hmunhaia thil rimawi rihai, hlasakmihai ri chun, Lalpa thil fel thawhai chu an hril an hril a, Israel mihai hnena ngei chu, Chun, Lalpa mipuihai chu dâikawtkhâr tieng chun an fe thla a,

1 SAMUEL 9:11

Khaw hang pannaa an hang fe lai chun nunghâk tui chawi dinga hung suokhai an hmu a, an kuomah, “Hitaka hin Hmutheitu chu a um am?” an ta.