INṬANNA 23:19 - Pathien Lekhabu Inthieng (BSI)

¹⁹ Chu hnunga chun Abraham chun a nuhmei Sara chu Kanaan rama Mamre (chu chu, Hebron) zâwna Makpelaa loa pûka chun a phûm ta a.

INṬANNA 23:19 ပူးပေါင်းရင်းမြစ်များ

INṬANNA 23:18

Hit mihai mithmua le a khaw kul kawtkhâra lût taphawthai mithmua chun nei sawng dingin Abraham kuomah pêkin a um ta a.

INṬANNA 23:20

Chuongchun, lo le a sûnga um pûk chu inphûmna hmuna nei sawng dingin Abraham kuomah Hit mihai chun an pêk suok ta a.

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk raw aw,” a ti a. Chuongchun, Hebron ruoma inthawk chun a tir suok a; ama chun Sekem chu a va tlung ta a.

INṬANNA 47:30

A mi thlatuhai kuoma ka in pha chun nangin Aiguptaa inthawk hin mi zâwn dawkin, anni phûmna hmunah i mi phûm lem ding a nih,” a ti a. Ama chun, “I hril ang hin hung thâwng ka tih,” a ti a.

INṬANNA 50:13

a naupasalhai chun Kanaan ramah an zâwn lût a, Abrahamin inphûmna hmun ro dinga, Hit mi Ephrona inthawka a lo puma a închâwk, Mamre zâwna Makpela loa pûka khan an phûm ta a.

INṬANNA 50:25

Chun, Josef chun Israel mihai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a ti a.

JOB LEKHABU (THE BOOK OF JOB) 30:23

Nang chun thina le, Mi hring po po ta dinga in ruota chun mi ṭhuoi i tih ti ka hriet si a.

THUHRILTU 12:5

anni chun ân sâng chu an ṭi a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

THUHRILTU 6:3

Miin nau za nei sienla, kum tamtak dam sienla, a kum nihai chu tam hle sienla, amiruokchu, a lungril chu thil ṭhain a tlai naw a; chu nawa khawm phûmna a hlaw bawk si naw chun, ama nêk chun a hun naw a pieng khawm chu a ṭha lem a nih ka ti a nih;