INṬANNA 23:16 - Pathien Lekhabu Inthieng (BSI)

¹⁶ Abraham chun Ephron thu chu a zâwm ta a; Hit mihai hrietah, tangka a ihril zât, chu hun laia sumdâwnghaiin an ibûk hlak anga, tangka sekel za li, Ephron ta dingin a bûk ta a.

INṬANNA 23:16 ပူးပေါင်းရင်းမြစ်များ

INṬANNA 23:15

“Pu, mi lo ngai ta, hnuoi tangka sekel za li man dâm chu nang le keia ta dingin hril khawp am nîng a ti? I mithi chu phûm el rawh,” a ta.

INṬANNA 43:21

chun, riebûk kan tlung chun kan iphai chu kan hang hawng a; kan tangka seng chu kan ip bau bulah a lo um ta seng a, kan tangka chu a bûk ngai chiein a lo um a; chuongchun, kan hung chawi nâwk a nih.

INṬANNA 49:29

Chun, anni chu thuro a sie a, an kuomah, “Ka chipuihai kuomah ṭhuoiin ka um ve ding a ni tah. Hit mi Ephron loa pûka khan ka thlatuhai lai mi phûm ve ro,

INṬANNA 50:13

a naupasalhai chun Kanaan ramah an zâwn lût a, Abrahamin inphûmna hmun ro dinga, Hit mi Ephrona inthawka a lo puma a închâwk, Mamre zâwna Makpela loa pûka khan an phûm ta a.

2 SAMUEL 14:26

A lu a vâw chun (kum khat peiah a vâw hlak a, a sam chu a rik êm leiin a vâw hlak a nih) a sam chu a bûk hlak a, lal bûk dâna shekel za hni a tling hlak a nih.

2 SAMUEL 24:24

Chun, lal chun Arauna kuomah, “Ni lo e, a man neiin ân châwk ngeiin inchawpêk lem ka ti che, iengkhawm insêng lovin Lalpa ka Pathien kuomah pumrawhmang thilinhlân inhlân naw tawp ka tih,” a ta. Chuongchun, David chun hrizâwl le sebâwngchalhai chu tangka shekel sâwmngain ân châwk ta a.

JOB LEKHABU (THE BOOK OF JOB) 28:15

Rângkachaka nei thei a ni naw a, Chu chu man ding chun tangkaruo khawm bûk thei a ni bawk nawh.

FESUOKNA 30:13

Intiemnaa tiema um taphawt chun pêng a tih: Hmun Inthieng sum dingin shekel chenve (shekel khat chu gerah sâwmhni a nih), Lalpa kuoma thilinhlân dingin shekel chenve bawk pêng a tih.

JEREMIA 32:10

Chun, thuziek chu suoi ka thaw a, ka nam ta a, chun, hrietpuitu ka ko a, ama chu bûkna chun tangka chu ka bûkpêk ta a.

JEREMIA 32:9

Chun, kei chun chu chu Lalpa thu a nih ti ka hriet a. Chun, ka pami naupa Hanamel lo Anathotha um chu kân châwk ta a; tangka shekel sâwmpasari chu ama ka bûkpêk ta a.

EZEKIEL 45:12

Shekel chu gera sâwmhni nîng a ta; chun, in mina chu shekel sâwmruk nîng a tih.

ZEKARIA 11:12

Chun, an kuoma chun, “In ngaia a ṭha chun ka hlaw chu mi pe unla, a ni naw chun, hrên el ro,” ka ta. Chuongchun, ka hlaw ding chun tangka sâwmthum an bûk ta a.

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

THILTHAWHAI 7:16

Sekem khuo an zâwn tlung a, Abrahamin Sekem khuoa Hamor naupahai kuoma thlân, tangka suma a inchâwka khan an phûm ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:8

Inhmangai tuona ngawt naw chu tû iengkhawm bat naw ro; mâni mihriempui hmangaitu chun dân chu a zâwm famkim ta si a.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.