INṬANNA 22:8 - Pathien Lekhabu Inthieng (BSI)

⁸ Abraham chun, “Ka naupa, Pathienin ama ta dinga pumrawhmang inthawina ding berâmte chu ngaituo fâwm el a tih,” a ti a: chuongchun, an pahni chun an fe pei ta a.

INṬANNA 22:8 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 22:14

Chuongchun, Abrahamin chu hmun hminga chun “Lalpain ngaituong a tih” ti ân bûk a; vawisûn chena “Lalpa tlânga chun ngaituo nîng a tih,” an ti hlak ang hin.

INṬANNA 22:7

Chun, Isakin a pa Abraham chu a biek a, “Pa,” a ti a. Ama chun, “Hitaka hi ka um, ka naupa,” a ti a. Chun, ama chun, “En ta, mei le thing chu a um a; anleh pumrawhmanga inhlân ding berâmte chu khawlai am a um a?” a ti a.

INṬANNA 22:9

Chun, Pathienin a hril hmun chu an va tlung a; Abraham chun chutaka chun maichâm a siem a, thing chu a sep khâwm a, a naupa Isak chu a khuop a, maichâma thing chunga chun ân zâltir a.

2 LALHAI 2:6

Chun, Elija chun a kuomah, “Hitaka hin lo um rawh, ka ngên che hi, Lalpa chun Jordan vadung chena fe dingin a mi tir si a,” a ta. Chun, ama chun, “Lalpa hringna le nanga hringna sâlin ka hril a nih, um san naw tawp ka ti che,” a ta. Chuongchun an pahni chun an fe pei ta a.

2 CHANCHIN SUINA 25:9

Amazia chun Pathien mi kuoma chun, “Anleh, Israel sipaihai kuoma tangka talent za ka lo pêk ta chu ieng tin am thâwng ei ti leh?” a ta. Pathien mi chun, “Hi nêka tam khawm hi pe ding chein Lalpa chu a thei a nih,” tiin a dawn a.

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:36

chun, Isu invâk vêl lai chu an en a, “En ta u, Pathien Berâmte saw,” a ta.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 5:12

chuonghai chun rawl inring takin, “Berâmte that ta hi Thilthawtheina dâm, hausakna dâm, Varna dâm, hrâtna dâm, chawimawina dâm, ropuina dâm, Malsâwmna dâm hmu tlâk a nih ie,” an ta.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.