INṬANNA 21:8 - Pathien Lekhabu Inthieng (BSI)

⁸ Chun, naute chu a hung inṭhang a, nene nêk an inbântir ta a, Isak chu nene nêk an inbântir ni chun Abrahamin ruoi ropuitak a ṭhe a.

INṬANNA 21:8 ပူးပေါင်းရင်းမြစ်များ

INṬANNA 19:3

Nisienlakhawm, ama chun a thlêm a thlêm a; chuongchun, ama chu an zui a, a ina chun an lût a: chun, ama chun hme a siempêk a, chawl ṭhanglo bei a zeu a, an fâk ta a.

INṬANNA 21:7

Ama bawk chun, “Sara hin nautehai a la pawm ding a nih ti tuin am Abraham kuomah hril ngaina hrieng an ta? a tar hnung hin naupasal ka neipêk ta hi,” a tis a.

INṬANNA 21:9

Chun, Aigupta mi, Hagar naupa, Abraham ta dinga a neipêk chun a nuisan lai Sara chun a hmu a.

INṬANNA 26:30

Chuongchun, an ta dingin ruoi an ṭhe a, an fâkin an dâwn ta a.

INṬANNA 29:22

Chuongchun, Laban chun chu khuoa mi po po chu a khâwm vawng a, ruoi a ṭhe a.

INṬANNA 40:20

Chun, ni thum ni, Pharao pieng champhaphâk ni chun, Pharaoin ama siehlaw po pohai ta dingin ruoi a ṭhe a; chun, a siehlawhai laia mi uoin pe hotu tak le bei siem hotu tak lu chu a dawm kâng ta a.

2 SAMUEL 3:20

Chuongchun, Abner chu Hebrona David kuoma chun mi sâwmhni leh an fe a. Chun, David chun Abner le a kuoma mi sâwmhnihai ta ding chun ruoi a ṭhe a.

1 LALHAI 3:15

Chun, Solomon chu a hang har a, ngai ta, mang a lo ni zing el a; chun, Jerusalemah a fe a, Lalpa thuthlung bâwm hmaah a ngîr a, pumrawhmang thilinhlân le inremna thilinhlân ân hlân a; a siehlaw po pohai ta dingin ruoi a ṭhe a.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭhe a; Media le Persia ram thilthawtheihai, mi ṭhahai le lal nauhai, chu rambunga mihai chu a hmaa chun an um a;

INPÂKNA HLABU 131:2

Ka hringna hi kân awitleiin kân totir ṭawk ṭawk ta ngei a, Naupang nene nêk bân tah a nu kuoma a um angin, Ka hringna hi naupang nêne nêk bân tah angin ka kuomah a um a.

HOSEA 1:8

Chun, Lo-ruhama chu nêne nêk ân bântir a, chun, nau a vawn nâwk a, naupasal a nei a.

RORELTUHAI 14:10

Chun, a pa chu nuhmei kuoma chun a zu fe a; chun, chutaka chun Samson chun ruoi a ṭhe a, chu chu tlângvâlhai thaw dân hrim a ni a.

RORELTUHAI 14:12

Chun, Samsonin an kuomah, “Tuhin thukhir indawn ka ti cheu le; ruoiṭhe ni, ni sari sûnga in mi hrilfie theia in hriet suok thei chun puon zai inhmi sil sâwmthum le inthlengna puon sâwmthum pêng ka ti cheu;

1 SAMUEL 1:22

Hanna ruok chu a hang fe ve naw a; a pasal kuoma chun, “Kei chu naute hin nêne nêk a bân hmakhat chu hang fe ve naw ning ah; chu pha ruok chun Lalpa hmaa ân lang theina dingin ṭhuoi ka ta, chutaka chun um zing el tâng a tih,” a ta.

1 SAMUEL 1:24

Chun, nêne nêk ân bântir phing chun beiphit epha khat le uoin saidawiûm khat chawiin sebâwng pathum leh a hang ṭhuoi a, Silo khuoa Lalpa ina chun a fepui a; naupang chu a la naupang hle a.

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.