INṬANNA 21:3 - Pathien Lekhabu Inthieng (BSI)

³ Abraham chun a naupasal nei, Sarain a neipêk chu a hmingah Isak a sak a.

INṬANNA 21:3 ပူးပေါင်းရင်းမြစ်များ

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 17:21

Ka thuthlung ruok chu, Sarain kum nâwk hieng ang huna a neipêk ding che, Isak chungah sukdet lem ka tih,” a ti a.

INṬANNA 21:12

Nisienlakhawm, Pathienin Abraham kuoma chun, “Naupang le i suoknu chungchâng thu lei hin beidawng naw rawh: Sarain i kuoma thu a hril po po chu zâwm rawh, Isaka hin i thlahai an la suok ding a ni si a.

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a ti a.

INṬANNA 22:2

Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti che a, pumrawhmang inhlânah inhlân rawh,” a ti a.

INṬANNA 25:19

Chun, hieng hi Abraham naupa Isak thlahai chu an nih:

MATTHAI 1:2

Abrahamin Isak a thla a; Isakin Jakob a thla a; Jakobin Juda le a unauhai a thla a;

THILTHAWHAI 7:8

Chun, Pathienin a kuomah sertan thu kha a thlung a, chuongchun, Abraham chun, Isak a hung nei a, a ni riet niah a ser a tan a; chun Isak chun Jakob a nei a, Jakob chun chi thlatu sâwm le pahnihai kha a hung nei ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:7

Abraham thlahai an ni leiin an rêngin a nauhai an ni chuong bawk nawh; “Isaka hin i thlahai tîng an tih,” ti a ni lem.

HEBRAIHAI 11:18

“Isaka hin i thlahai tîng an tih,” a ti ang ngei khan;

JOSUA 24:3

Chun, in thlatu Abraham kha Vadung râla inthawk khan ka ṭhuoi suok a, Kanaan ram sûng po poa khan ka ṭhuoi a, a thlahai chu ka sukpung a, Isak kha ka pêk a; chun, Isak chu Jakob le Esau ka pêk a.