INṬANNA 21:23 - Pathien Lekhabu Inthieng (BSI)

²³ chuleiin, ka lo lunginsiet ta che ang khan kei le hi i khuolchâmna ram hi lunginsiet ve thunga, kei le ka naupa le ka naupa naupa khawm hlêm lo dingin Pathien hming sâlin tuhin ka kuomah inkhâm rawh,” a ti a.

INṬANNA 21:23 ပူးပေါင်းရင်းမြစ်များ

INṬANNA 20:14

Chun, Abimelek chun berâmhai, bâwngchalhai le, suokpahai le suoknuhai a ṭhuoi a, Abraham kuoma chun a pêk a, a nuhmei Sara khawm chu a pêk kîr nâwk ta a.

INṬANNA 21:24

Abraham chun, “Inkhâm ta naw ning am,” a ti a.

INṬANNA 24:3

chuongchun, Lalpa, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;

INṬANNA 26:28

Anni chun a kuomah, “Lalpa chu i kuomah a um ti chiengtakin kan hriet a: chuongchun, ei kârah, keini le nangma kâr ngeia hin inkhâmna um sienla, i kuomah thu mîn thlungtir la kan ti a nih:

INṬANNA 31:44

Hung ta, kei le nang hin thu thlung ei tih, chu chu kei le nanga kâra hrietna ni raw se,” a ti a.

INṬANNA 31:53

Abraham Pathien, Nahor Pathien, an pa Pathien chun ei kâra thu ngaituo raw se,” a ti nâwk a. Chun Jakob chun a pa Isak Iṭi chu sâlin ṭawng ân khâm ta a:

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 47:31

Chun, ama chun, “Ka kuomah inkhâm raw le,” a ti a; chuongchun, a kuomah ân khâm ta a. Chun, Israel chu khum lu sikin a kûn ta a.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

2 KORINTH 1:23

Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.

DÂN PAHNINA 6:13

Lalpa in Pathien chu in ṭi ding a na, ama rawng chu bâwl in ta, a hming chau sâlin ṭawng in inkhâm ding a nih.

HEBRAIHAI 6:16

Mihriem hin anni nêka ropui lem sâlin an inkhâm hlak a, an insêlna tinrênga khawm sukdetna dingin inkhâm hi suktâwpna a ni hlak.

JOSUA 2:12

Chuleiin, tuhin ka ngên cheu a nih, hi in chungah ka lunginsietzie cheu ka lo suklang ta a, nangni khawma ka pa sûnghai chungah in lunginsietna chu hung inlangtir ve ding le inchikna fietak mi siempêk dingin Lalpa hming sâlin mîn khâmpêk ro:

1 SAMUEL 20:13

Chun, ka pain i chungah thil ṭhanaw thaw nuom ta sienla, ka hril naw che a, lungmuongtaka i fe theina dinga kân thla naw che chun, Lalpain Jonathan chu a thaw thawin thaw sienla, chu nêka nasa khawmin; chun, Lalpa chu i kuomah um raw se, ka pa kuoma a um hlak angin.

1 SAMUEL 20:17

Chun, Jonathan chun ama a hmangaina sâlin David kuoma chun ṭawng ân khâm nâwk a, ama hringna a hmangai ang chiein a hmangai si a.

1 SAMUEL 20:42

Chun, Jonathan chun David kuomah, “Lungmuongtakin fe raw khai, ‘Lalpa chu nang le ei inkâra le ka thlahai le i thlahai kâra chun kumkhuoin um raw se,’ tiin Lalpa hmingin ṭawng ei inkhâm hmunkhat ta kha,” a ta. Chuongchun, a tho a, a fe ta a, chun, Jonathan chu khuoa chun a lût ta a.

1 SAMUEL 30:15

David chun a kuomah, “Chuonghai rawi umnaa chun mi zu ṭhuoi thei i ti?” a ta. Ama chun, “Mi that lo ding le, ka pu kuta mi pe nâwk lo dingin Pathien hming sâlin ṭawng inkhâm la, chuongchun, chuonghai umnaa chun zu ṭhuoi ka ti che,” a ta.