INṬANNA 21:17 - Pathien Lekhabu Inthieng (BSI)

¹⁷ Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

INṬANNA 21:17 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 16:11

Lalpa vântirko bawk chun a kuomah, “Ngai ta, nau i vawn ta a, naupasal nei i ta, Lalpa chun i rimsikzie hi a hriet ta leiin a hminga chun Ismael i sak ding a nih.

INṬANNA 16:7

Chun, Lalpa Vântirko chun thlalêra tuikhur kâwl, Sur panna lampuia tuikhur kâwla chun a lo hmu a.

INṬANNA 16:8

Chun, a kuomah, “Hagar, Sarai suoknu, khawlaia inthawka hunga khawlaia fe ding am i na?” a ta. Ama chun, “Ka pi Sarai kuoma inthawkin ka tlânhmang a nih,” a ta.

INṬANNA 16:9

Lalpa vântirko chun a kuomah, “I pi kuomah kîr nâwk la, a thu thuin um rawh,” a ta.

INṬANNA 22:11

Nisienlakhawm, Lalpa vântirkoin vâna inthawkin ama chu a zuk ko a, “Abraham, Abraham,” a zuk ti a; ama chun, “Hitaka hi ka um,” a ta.

INṬANNA 24:7

Lalpa vân Pathien, ka pa ina inthawk le ka piengna rama inthawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tia ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

2 LALHAI 13:4

Chun, Jehoahaz chun Lalpa kuomah a ngên a ngên a; chun, Lalpain a thu chu a lo ngaipêk a, Israelhai nêksâwra an um a, Suria lalin anni a nêksâwrzie chu a hmu zing si a.

INPÂKNA HLABU 10:14

Hmu chu i hmu zing ta a, i kuta thung dingin buoina le lungzîngna chu în chik ta a, Iengkhawm thaw thei lo mi chu i kuomah a tlulût hlak a; Pa bo ṭhangpuitu i ni hlak kha.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 6:8

Nangni thil suol thawtuhai po po, mi mâksan vawng ro. Lalpa chun ka ṭap ri chu a hriet ta si a.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

FESUOKNA 22:23

Ieng kawnga khawm i sukrimsi a, kei an mi hung ko phawt chun, an mi kona lo hre ngei ngei ka ta;

FESUOKNA 22:27

chu chu a puonsil neisun a ni a, a taksa inkhumna dinga a puon chu a nih; khâwlai am zâl tâng a ta? Chun, kei a mi hung ko pha lo hrieng ka tih, mi lunginsiettheitak ka ni si a.

FESUOKNA 3:2

Chun, Lalpa vântirko, chîmbukah mei chawkin a kuomah a hung inlâr a; a en a, chîmbuk meia chawk zur zura a chîmbuk chu kâng hmang si lo chu a hmu a.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

MATTHAI 15:32

Chun, Isûn a inchûktirhai chu a ko a, “Mipuihai hi tuhin ka kuomah ni thum an um ta a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.

MARKA 5:36

Isu ruok chun, an thu hril chu ngaisak lovin inkhâwmna in hotu kuoma chun, “Ṭi naw, awi el rawh,” a ta.

DÂN PAHNINA 26:7

Chuongchun, Lalpa kan pi le puhai Pathien chu kan ko a, Lalpa chun kan râwl chu a lo hriet a, kan rimsikzie dâm, kan sin inrimzie dâm, nêksâwr kan nizie dâm a hriet a.

RORELTUHAI 18:23

Chun, Dan mihai chu an hei ko a. Anni chu an hung ngha kîr a, Mika kuoma chun, “Ieng am a ni ta leh mi khâng zozai kha i hung pui?” an ti a.

1 SAMUEL 11:5

Chun, loa inthawkin Saula chu sebâwng hung khalin a hung a; Saula chun, “Ieng am an ti a na mipuihai chu an ṭap a?” a ta. Chun, Jabes khuoa mihai thuhril chu an hril a.