INṬANNA 21:15 - Pathien Lekhabu Inthieng (BSI)

¹⁵ Chun, tuiûma tui chu a hung bo ta a, chuongchun, naupang chu chîmbuk pakhat hnuoiah a sie el ta a.

INṬANNA 21:15 ပူးပေါင်းရင်းမြစ်များ

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir ta a; chuongchun, a fe a, Beer-seba thlalêra chun ân vâk ân vâk ta a.

INṬANNA 21:16

Chun, “Naupang thi ding chu ka en ngam nawh,” a ti leiin a fe a, hla fe thal kâp phâk ding chena hin, a hma zâwna chun a va ṭhung ta chawt a. Chuonga a hma zâwna a ṭhung lai chun inringtakin a ṭap ta a.

1 LALHAI 17:12

Ama chun, Lalpa i Pathien hringna sâlin ka hril a nih, bei chu chu ka nei naw a, bêla beiphit veikhat bak le, bûrah sahriek tlâwmte chau ka nei a; chun, ngai ta, ka fe a, kei le ka naupa ta dinga siemna dingin thingrieu pahni amani chau kân khâwm a na; chuongchun, chu chu fâng kan ta, kan thi el ding a nih,a ta.

2 LALHAI 3:9

Chuongchun, Israel lal chu, Juda lal le Edom lal le chun an fe ta a, chuongchun, ni sari chu lampui inhêl zâwngin an fe ta a, anni zuitu mipuihai le an sahai ta ding chun tui a um ta naw a.

INPÂKNA HLABU 63:1

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

ISAI 44:12

Thîrsuin hreipui a sut hlak a, meihawla chun a thun lût a, tubauhaiin a sut a, a bân hrâttak chun a sut hlak, anih, a phîng a hung ṭâm a, a tha chu a hung zawi hlak; tui hrim hrim a dâwn naw a, a châu hlak.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.