INṬANNA 21:11 - Pathien Lekhabu Inthieng (BSI)

¹¹ Chu thu chu a naupa Ismael lei chun Abraham ta ding chun lungngaithlâk tak a nih.

INṬANNA 21:11 ပူးပေါင်းရင်းမြစ်များ

INṬANNA 17:18

Chun, Abraham bawk chun Pathien kuomah, “Ismael hi i hmaah um thei sienla aw!” a ti a.

INṬANNA 21:12

Nisienlakhawm, Pathienin Abraham kuoma chun, “Naupang le i suoknu chungchâng thu lei hin beidawng naw rawh: Sarain i kuoma thu a hril po po chu zâwm rawh, Isaka hin i thlahai an la suok ding a ni si a.

2 SAMUEL 18:33

Chuongchun, lal chu a lunginzîng ta hle el a, kul kawtkhâr chunga pindana chun a hang fe a, a ṭap a; chun, a hang fe malam chun, “Aw, ka naupa Absalom, ka naupa, ka naupa Absalom, i aia chun kei hi hang thi lem lang aw, Aw Absalom, ka naupa, ka naupa!” a ta.

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

HEBRAIHAI 12:11

Chun, thununna hrim hrim hi tuor lai chun lâwmumin ân lang naw a, thlasietthlâkin ân lang lem hlak, tuor hnung ruok chun chutaka sawizawia umhai ta ding chun felna ra thlamuongumtak chu ân suopêk hlak.