INṬANNA 21:1 - Pathien Lekhabu Inthieng (BSI)

¹ Lalpa chun a hril ta angin Sara chu a zu kan a, Lalpa chun a tiem ta angin Sara chungah a thawpêk bawk a.

INṬANNA 21:1 ပူးပေါင်းရင်းမြစ်များ

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 17:21

Ka thuthlung ruok chu, Sarain kum nâwk hieng ang huna a neipêk ding che, Isak chungah sukdet lem ka tih,” a ti a.

INṬANNA 18:10

Chun, ama chun, “Hi hun hi a hung tlung nâwk pha chun i kuomah hung nâwk ngei ka tih, chun, i nuhmei Sara chun naupasal nei a tih,” a ta. Chun, a hnunga puon in kawtkhâr bula inthawk chun Sarain a lo hriet a.

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 24:36

Ka pu nuhmei Sara chun a tar hnungin ka pu ta dingin naupasal a nei a; ama kuoma chun a nei po po a pêk vawng a.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

2 LALHAI 4:17

Chun, nuhmei chu ân rai a, a kuoma Elisain a hril hun, chu hun chu a hung tlung chun naupasal a nei ta a.

INPÂKNA HLABU 106:4

Aw Lalpa, i mihai i ditsakna chun mi hre zing la, Aw i Sandamna leh mi hung kan rawh.

INPÂKNA HLABU 12:6

Lalpa thuhai hi thu inthiengtak a na, Tangka hnuoi chunga rawtuina meia fie a Vawi sari sukthieng ta hnung ang hi a nih.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

FESUOKNA 3:16

Fe la, Israel upahai chu ko khâwm la, an kuomah, ‘In thlatuhai Pathien, Abraham Pathien, Isak Pathien le Jakob Pathien Jehova chu ka kuomah a hung inlâr a, Ka hung sir ta ngei cheu a, Aiguptaa in chunga thil thawa um tahai chu ka hmu tah.

FESUOKNA 4:31

Mipui chun an ring ta a: Lalpa chun Israel mihai chu a hung sir ta a, an rimsik tuorna chu a hmu tah ti an hriet chun, an luhai an kûn a, chibai an bûk ta a.

MATTHAI 24:35

Hnuoi le vân bo a ta, ka thu ruok chu bo naw ni.

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

GALATI 4:23

Nisienlakhawm, suoknu le nau chu tisa dân angin a pieng a, suoknawnu le nau ruok chu thutiem leiin a pieng a nih,” ti hi.

GALATI 4:28

Chuongchun, unauhai, eini hi Isak ang khan thutiem nauhai ei nih.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

RUTH 1:6

Chun, Moab rama inthawkin, Lalpain a mihai chu kanin fâk ding a pêkzie thu a lo hriet leiin, Naomi chu a mohai pahni leh Moab rama inthawk kîr nâwk dingin ân thawk suok a.

1 SAMUEL 1:19

Chun, zingkâr an tho a, Lalpa chu an biek a, an fe ta a, Rama khuoa an in chu an tlung nâwk ta a; chun, Elkana chun a nuhmei Hanna chu a pâwl a, chun, Lalpain ama chu a hriet zing a.

1 SAMUEL 2:21

Chun, Lalpa chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu Lalpa hmaa chun a hung inṭhanglien ta a.