INṬANNA 20:9 - Pathien Lekhabu Inthieng (BSI)

⁹ Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a ni a? Ieng kawng âm i chungah thil kan suksuola kei le ka khuoletuihai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a ti a.

INṬANNA 20:9 ပူးပေါင်းရင်းမြစ်များ

INṬANNA 12:18

Chuongchun, Pharao chun Abram chu a ko a, “Ka chunga i thilthaw hi iengtizie am a ni ta leh? I nuhmei a nih ti iengdinga i mi hril naw am a na?

INṬANNA 20:10

Abimelek bawk chun Abraham kuomah, “Iengam i ngaituoa hieng ang thil hi thaw i ni a?” a ti nâwk a.

INṬANNA 20:8

Chuongchun, Abimelek chu zîngkâr inhmatakin a tho a, a siehlawhai po po a ko a, an na hrietah chuong thu po po chu a hril a: anni chun an ṭi ta êm êm a.

INṬANNA 26:10

Abimelek chun, “Kan chunga i thilthaw hi iengtizie am a na? Mihai laia mi tukhawmin i nuhmei hi an lo zâlpui el thei i sawnnaw; chuongchun, kan chunga hin thiemnawna i hung intlungtir a ni ding a nih,” a ta.

INṬANNA 29:25

Chun, zîngtieng a hung ni chun Leah a lo ni zing el a; chuongchun, Jakobin Laban kuomah, “Ka chunga i thilthaw hi iengtizie am a ni a? Rakil nei dingin i rawng ka bâwl ni lo am a nih? Iengdinga i mi hlêm am?” a ti a.

INṬANNA 34:7

Jakob naupasalhai chun an hriet phingleh phûla inthawk chun an hung a; chun, Jakob naunu zâlpuiin Israelhai laiah thil suol invêtthlâktak, thil thaw dêr lo ding chu a thaw ta leiin an lungngai a, an lunginsen ta êm êm a.

INṬANNA 38:24

Thla thum vêl amani hnunga chun Juda chu, “I monu Tamar chun tlangvâl a dit a, chunawa khawm, ngai ta, sâwn a pai nghe nghe annaw,” tia hril a ni a. Juda chun, “Ṭhuoi suok unla, raw hlumin um raw se,” a ti a.

INṬANNA 39:9

hi ina hin keia nêka lien lem tukhawm an um naw a: a nuhmei i ni leiin nang bak naw chu ka ta dingin iengkhawm inro a nei bawk nawh: chuleiin, iengtin am hi suol lientak hi thawin Pathien chungah thil suksuol thei ka ti leh?” a ti a.

2 SAMUEL 12:5

Chuongchun, David chu chu mi chunga chun a lunginsen ta hle el a; Nathan kuoma chun, “Lalpa hringna sâlin ka hril hi, chu thil thawtu chu sukhlum el tlâk a ni chu,

2 SAMUEL 13:12

Ama chun a dawn a, “Ni lo ve, ka ṭapa, mi thawlui naw rawh, Israelhai lai hin hieng ang thil hi thaw ding a ni naw ie, hi thil suol invêtthlâktak hi thaw naw raw khai.

FESUOKNA 32:21

Mosie chun Aron kuomah, “Hi mipui hin i kuomah ieng am an thawa hienga an chunga suol nasatak în tlungtir hi?” a ti a.

FESUOKNA 32:35

Chuongchun, Aron isiem bâwngte an siem lei chun Lalpain mipui chu a hrem ta a.

THUVARHAI 28:10

Tukhawm mi tluong suolna lampuia infe pêttirtu taphawt chu, Ama khur ngeia chun tlâng a tih, Mi fel ruok chun thilṭha ro chu hluong a tih.

LEVI DÂN 20:10

“Mîn a tuolbâwm nuhmei a uiretpui chun, uiretupa le uirenu chu sukhlum ngei ding an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:11

Pathienin mi ditsak bîk a nei si naw a.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

JOSUA 7:25

Chun, Josua chun, “Iengdinga i mi suklungzîng am a na? Lalpa chun nang khawm vawisûn hin a suklungzîng ve ding che a ni hi,” a ta. Chuongchun, Israelhai po po chun ama chu lungin an dêng a; chun, ama chu meiin an raw a, lungin an dêng bawk a.