INṬANNA 20:5 - Pathien Lekhabu Inthieng (BSI)

⁵ Ama ngei khawmin ka kuomah, ‘Ka farnu a nih’ a ti ni lo am a nih? Chun amanu (Sara) ngei khawmin, ‘Ka ṭapa a nih,’ a ti bawk si a: lungril ṭhatak le kut inthiengtak nei pumin hi hi ka thaw a nih,” a ti a.

INṬANNA 20:5 ပူးပေါင်းရင်းမြစ်များ

INṬANNA 12:13

I zâra ṭhataka ka um theina ding le, nangma leia ka hring theina dingin, ‘A farnu ka nih,’ ti pei raw aw,” a ti a.

INṬANNA 20:13

Pathienin ka pa ina inthawka a mîn vaitir lai khan a kuomah, ‘Hi hi i lunginsietna ka chunga înlangtir ding chu a nih: ei tlungna hmun taphawtah, ‘Ka ṭapa a nih,’ mi ti pei rawh ka ti hrim a nih,” a ta.

INṬANNA 20:16

Chun, Sara kuoma chun, “En ta, i ṭapa kuoma hin tangka sâng khat ka pêk ta a, ngai ta, i kuoma um po pohaia inthawka mit inkhumna ding a ni hi: i chungthu hrim hrima hin i fel nâwk vawng tah a nih,” a ti a.

1 LALHAI 9:4

Chun, nang khawm hi thu ka pêk ang taphawt chea thaw dinga i pa David um anga lungril ṭhatak put le lungril indiktak puta ka mithmua i uma, ka thuruothai le ka rorêlhai i pawm zing chun.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

JOB LEKHABU (THE BOOK OF JOB) 33:9

‘Bawsietna nei lovin kân thieng a nih, Pawitâwklo ka na, keimaa hin rîtlona hrim a um bawk nawh,

INPÂKNA HLABU 24:4

Kut fai le lungril inthieng neia, A lungril teplo mei mei tienga sie ngailo: Hlêm tuma inkhâm ngailo mi chu.

INPÂKNA HLABU 25:21

Lungril ṭhatna le indiknain mi vawng ṭha zing raw se. Ka nghâk zing si che a.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

INPÂKNA HLABU 7:8

Lalpa chun mi tin chungah ro a rêl hlak; Aw Lalpa, keimaa felna le, ka lungrila ṭhatna um ang peiin ro mi rêlpêk la;

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

INPÂKNA HLABU 73:13

A thlâwn elin a nih, ka lungril hi ka sukfai a, Ka kuthai demkailonaa ka sâwp chu.

INPÂKNA HLABU 78:72

Chuongchun, ama chun a lungril ṭhatna ang peiin anni chu a châwm a, A kut thiemnain a ṭhuoi ta a.

THUVARHAI 11:3

Mi tluong chu a lungril indiktak chun ṭhuoi a ta, Bawsetuhai ruok chu an khêlinhlipnain anni suksieng a tih.

THUVARHAI 20:7

Mi indik a lungril ṭhaa fe mi chu, Ama hnunga a thlahai chu an hamṭha.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

1 THESSALONIKA 2:10

Nangni ringtuhai chungah inthiengtak le feltak le, demum lotaka kan umzie kha Pathien leh a mi hrietpuituhai in nih;

1 TIMOTHE 1:13

Inhma chun hrilsetu le suknawmnatu le sawisatu ni lang khawm, awi naw puma hre lova thaw ka ni leiin zângaina chu ka hmu a nih;

JOSUA 22:22

an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)