INṬANNA 2:7 - Pathien Lekhabu Inthieng (BSI)

⁷ Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

INṬANNA 2:7 ပူးပေါင်းရင်းမြစ်များ

INṬANNA 1:27

Chuongchun, Pathienin ama angpuiin mihriem a siem a, Pathien angpui ngeiin a nih a siem chu, pasal le nuhmeiah a siem a nih.

INṬANNA 2:6

amiruokchu, hnuoia inthawkin sûm a hung suok a, hnuoi chung po po chu a sukhnâwng a.

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

INṬANNA 3:23

chuleiin, Lalpa Pathienin ama a lâksuokna hnuoi chu inlet dingin Eden huona inthawk chun a tir suok ta a.

INṬANNA 7:22

an hnâra hringna thlarau thuok umna po po, khawmuola um taphawthai chu an thi ta vawng a.

JOB LEKHABU (THE BOOK OF JOB) 27:3

Ka hringna chu keimaa a um sûng phawt le, Pathien thuok chu ka hnarkuohaia a um sûng phawt chun,

JOB LEKHABU (THE BOOK OF JOB) 33:4

Pathien Thlarau chun a mi siem a, Iengkimthawthei thuok chun hringna a mi pêk a.

JOB LEKHABU (THE BOOK OF JOB) 33:6

Ngai ta, nangma ang bawkin kei khawm Pathien tienga ṭhang ka na, Kei khawm pilpawka inthawka siem ka nih.

JOB LEKHABU (THE BOOK OF JOB) 4:19

Pil inhaia umhai lem lem chu; a va ring naw zuol âwm ngei, A lungphûm chu pilvuta innghat a ni a, Hângthim hmaa suksiet ni el hlakhai chu.

INPÂKNA HLABU 100:3

Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 103:14

Ei taksa siem dân hi a hriet a, Pilvut el ei nih ti a hriet zing leiin.

THUVARHAI 20:27

Mihriem lungril chu Pathien khâwnvar a na, Phîngsûng hmun inthûktakhai po po chu a zawng suok hlak.

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

THUHRILTU 3:7

Keithlêr hun le ṭhui hun a um a, To ṭawk ṭawk hun le thu hril hun a um a;

ISAI 2:22

An hnâr chaua thuok um, mihriem ring hi bânsan ta ro, ieng kawng âm ring tlâk an ni hrim leh?

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

EZEKIEL 37:5

Hieng ruhai kuoma hin Lalpa Pathien chun hieng hin a tih: Ngai ta u, nangniah thuok inlûttir ka ta, hung hring in tih.

EZEKIEL 37:6

Nangnia chun thahai sieng ka ta, taksain in chungah hung sukbit ka tih, chun, vunin inkhum ka ti cheu, nangnia chun thuok sieng ka ta hung hring in tih; chun, Lalpa chu ka nih ti mi hre tâng in tih,” a ta.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

NAMBAR 27:16

“Lalpa, tisa po po thlarauhai Pathien chun pungkhâwmhai chunga chun hotu ruot sienla,

JOHAN 20:22

Chun, chuong thu chu a hril zoin, an chungah ân thuok a, an kuomah, “Thlarau Inthieng nei ro,

THILTHAWHAI 17:25

Thil tlasam angin mihriem kuta rawngbâwlpêkin a um bawk nawh. Ama ngei chu iengkim kuoma hringnahai, inthuoknahai, le thil po po petu chu a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

1 TIMOTHE 2:13

Adam chu siem hmasak a na, chu hnunga chun Evi chu siem a ni si a.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?